ഉദുമ: ദേശീയപാതയേയും സംസ്ഥാന പാതയേയും ബന്ധിപ്പിക്കുന്ന കളനാട് ചട്ടഞ്ചാല്‍ പാതയില്‍ കൂളിക്കുന്ന് മുതല്‍ ചട്ടഞ്ചാല്‍വരെയുള്ള പാത പൊട്ടിപ്പൊളിഞ്ഞ് ചളിക്കുളമായതോടെ ഈ പാതയിലെ യാത്ര ദുരിത പൂര്‍ണമായി.കുഴികള്‍  നിറഞ്ഞ ഈ പാതയില്‍ അപകട സാധ്യത വര്‍ധിച്ചിട്ടുണ്ട്. മഴക്കാലമായതോടെ കുഴികളില്‍  വെള്ളം നിറഞ്ഞു നില്‍ക്കുന്നതോടെ നിരവധി വാഹനങ്ങള്‍ക്ക് കുഴിയില്‍ വീണു കേടുപാടുകള്‍ സംഭവിക്കുകയും ചെയ്തു. ഇത് ഗതാഗത യോഗ്യമാക്കണമെന്നും അല്ലെങ്കില്‍  അനിശ്ചിതകാലത്തേക്ക് പാത അടച്ചിടുമെന്നും നാട്ടുകാര്‍  പറഞ്ഞു.