ഒട്ടാവ: രാജ്യത്ത് റെക്കോര്‍ഡ് ചൂട് അനുഭവപ്പെടുന്ന സാഹചര്യത്തില്‍ ജലാശയങ്ങളില്‍ അഭയം തേടിയിരിക്കുകയാണ് കനേഡിയന്‍ ജനത.
കൊടും തണുപ്പില്‍ ജീവിച്ചുശീലിച്ച ജനങ്ങള്‍ 49.6 ഡിഗ്രി സെല്‍ഷ്യസിലെത്തിയ ചൂടിനെ നേരിടാനാകാതെ മരിച്ചുവീഴുകയാണ്.
നാലു ദിവസത്തിനിടെ ബ്രിട്ടിഷ് കൊളംബിയയിലെ കിഴക്കന്‍ തീരപ്രവിശ്യയില്‍ 233ലേറെ പേര്‍ മരിച്ചതായി റോയിട്ടേഴ്‌സ് റിപ്പോര്‍ട്ടു ചെയ്തു. വാന്‍കോവര്‍ ഭാഗത്ത് മാത്രം 130 പേരാണ് മരിച്ചത്. ലിട്ടനിലാണ് ഉയര്‍ന്ന താപനില രേഖപ്പെടുത്തിയത്. സ്‌കൂളുകളും കൊവിഡ് വാക്‌സിനേഷന്‍ കേന്ദ്രങ്ങളും അടച്ചിട്ടിരിക്കുകയാണ്.
ഉഷ്ണതരംഗം പ്രായമായവരെയും നവജാതശിശുക്കളെയും കുട്ടികളെയുമാണ് സാരമായി ബാധിക്കുന്നതെന്ന് അന്വേഷണ വിഭാഗം അറിയിച്ചു. ഈയാഴ്ച മുഴുവന്‍ ഉഷ്ണതരംഗം നിലനില്‍ക്കുമെന്നതിനാല്‍ മരണനിരക്ക് വര്‍ധിക്കുമെന്ന് വിദഗ്ധര്‍ മുന്നറിയിപ്പു നല്‍കുന്നു.