സ്‌കൂള്‍
തൃക്കരിപ്പൂര്‍: ബീരിച്ചേരി ഗവ. എല്‍.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. ബീരിച്ചേരി മുനവിറുല്‍ ഇസ്‌ലാം മദ്‌റസ സ്റ്റാഫ് കൗണ്‍സിലാണ് ഒരു വര്‍ഷത്തേക്കുള്ള പത്രം സ്‌കൂളിന് വേണ്ടി സ്‌പോണ്‍സര്‍ ചെയ്തത്.
ബീരിച്ചേരി മദ്‌റസ പ്രധാന അധ്യാപകന്‍ ഇബ്‌റാഹിം അസ്അദി സ്‌കൂള്‍ പ്രധാന അധ്യാപിക പ്രേമലതക്ക് പത്രം കൈമാറി പദ്ധതി ഉദ്ഘാടനം ചെയ്തു. അബ്ദുല്‍ ജബ്ബാര്‍ ഖാസിമി, അബ്ദുനാഫിഅ് അസ്അദി, സ്‌കൂള്‍ പി.ടി.എ പ്രസിഡന്റ് രമേശന്‍, അധ്യാപകരായ ഗോവിന്ദന്‍ കുട്ടി, അഷ്‌റഫ്, കമലാക്ഷി, രാജലക്ഷ്മി, സ്‌കൂള്‍ ലീഡര്‍ ഫാത്തിമാ ഹസന്‍ സംബന്ധിച്ചു.