ചെന്നൈ: സി.പി.എം മുന്‍ സംസ്ഥാന സെക്രട്ടറിയും പോളിറ്റ് ബ്യൂറോ അംഗവുമായ കോടിയേരി ബാലകൃഷ്ണന്റെ ആരോഗ്യനില മാറ്റമില്ലാതെ തുടരുന്നു. മുഖ്യമന്ത്രി പിണറായി വിജയന്‍ അദ്ദേഹത്തെ സന്ദര്‍ശിക്കാനായി ചെന്നൈയിലെത്തിയിട്ടുണ്ട്. രാവിലെ ചെന്നൈയില്‍ എത്തിയ മുഖ്യമന്ത്രി ഇന്ന് പകല്‍ മുഴുവന്‍ കോടിയേരിക്കൊപ്പം ചെലവഴിക്കും.

ആരോഗ്യനില വഷളായതിനെ തുടര്‍ന്നാണ് ഏതാനും ദിവസങ്ങള്‍ക്ക് മുമ്പ് എയര്‍ ആംബുലന്‍സില്‍ കോടിയേരിയെ ചെന്നൈ അപ്പോളോ ആശുപത്രിയിലേക്ക് മാറ്റിയത്. മുസ്‌ലിം ലീഗ് നേതാക്കളായ സാദിഖലി ശിഹാബ് തങ്ങള്‍, പി.കെ കുഞ്ഞാലിക്കുട്ടി, അബ്ദുസ്സമദ് സമദാനി തുടങ്ങിയവര്‍ ചെന്നൈയില്‍ കോടിയേരിയെ സന്ദര്‍ശിച്ചിരുന്നു.