തിരുവനന്തപുരം: വിഴിഞ്ഞം തീരത്തു നിന്നും ഒരു മൃതദേഹം കൂടി കണ്ടെത്തി. വിഴിഞ്ഞം പനത്തുറ തീരത്തുനിന്നുമാണ് മൃതദേഹം കണ്ടത്തിയത്. മുതലപ്പൊഴിയില്‍ വള്ളം മറിഞ്ഞ് കാണാതായ ആളുകളില്‍ ആരുടെയെങ്കിലും മൃതദേഹം ആയിരിക്കാം എന്നാണ് സംശയിക്കപ്പെടുന്നത്. ഡിഎന്‍എ പരിശോധനക്ക് ശേഷമേ ഇത് ഉറപ്പിക്കാന്‍ കഴിയൂ.

പെരുമാതുറയില്‍ അപകടമുണ്ടായ സ്ഥലത്ത് ഇപ്പോഴും പരിശോധന തുടരുകയാണ്. വള്ളം മറിഞഅഞ് മൂന്ന് പേരെയാണ് കാണാതായത്. ഇന്ന് മൃതദേഹം കണ്ടെത്തിയ അതേ ഭാഗത്തു നിന്നും ഇന്നലെയും ഒരു മൃതദേഹം കണ്ടെത്തിയിരുന്നു. ലഭിച്ച രണ്ടു മൃതദേഹങ്ങളും തിരുവനന്തപുരം മെഡിക്കല്‍ കോളേജ് ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുകയാണ്.