നീലേശ്വരം: പൊട്ടിപ്പൊളിഞ്ഞു കുഴികള്‍ പ്രത്യക്ഷപ്പെട്ട നീലേശ്വരം മാര്‍ക്കറ്റ് - ബസ് സ്റ്റാന്‍ഡ് റോഡിലെ കുഴി തട്ടിക്കൂട്ടിയടച്ചതിനെതിരേ പ്രതിഷേധം ശക്തം. ജനങ്ങളുടെ കണ്ണില്‍ പൊടിയിടാനായി ചെങ്കല്ലുകള്‍ പാകിയാണു കുഴിയടയ്ക്കുന്നത്.
 മാസങ്ങള്‍ക്കു മുന്‍പുതന്നെ പൊട്ടിത്തുടങ്ങിയ റോഡ് മഴക്കാലമായതോടെ കുണ്ടുംകുഴിയുമായിരുന്നു. നിരവധി ഇരുചക്ര വാഹന യാത്രക്കാര്‍ മഴവെള്ളം നിറഞ്ഞ കുഴിയില്‍വീണ് അപകടങ്ങള്‍ സംഭവിച്ചിരുന്നു.
ജനങ്ങളുടെ പ്രതിഷേധം ശക്തമായതോടെയാണു അധികൃതര്‍ കുഴിയടക്കല്‍ നടത്തിയത്. ടാറിങ് നടത്തിയതുമില്ല. തുടര്‍ന്നും വാഹനങ്ങള്‍ ഇതിലൂടെ സഞ്ചരിച്ചതോടെ കുഴിയടച്ച ചെങ്കല്ലുകള്‍ ഇളകി. അറ്റകുറ്റപ്പണി നടത്തി ടാറിങ് നടത്താത്ത പക്ഷം പ്രക്ഷോപത്തിനൊരുങ്ങുകയാണു ജനങ്ങള്‍.