ദുബൈ:ലോകോത്തര സ്വകാര്യ വിദ്യാലയങ്ങളില്‍ പത്തെണ്ണം യു.എ.ഇയില്‍. 2022ലെ സ്പിയേഴ്സ് സ്‌കൂള്‍ സൂചികയിലാണ് യു.എ.ഇയിലെപത്ത് വിദ്യാലയങ്ങള്‍ നേട്ടം കൊയ്തത്.ലോകത്തെ ഏറ്റവുംമികച്ച 100 സ്വകാര്യ സ്‌കൂളുകളിലെ പത്തെണ്ണമാണ് രാജ്യത്തുള്ളത്. മൊത്തം 15 എണ്ണം പശ്ചിമേഷ്യയില്‍ നിന്നാണ്. അതിലാണ് യു.എ.ഇയില്‍ നിന്നുള്ള 10 വിദ്യാലയങ്ങള്‍ ഇടംപിടിച്ചത്. ഗുണനിലവാരവും കുട്ടികളുടെ സമഗ്ര പുരോഗതിയും മുന്‍നിര്‍ത്തിയാണ് സ്ഥാപനങ്ങളെ തിരഞ്ഞെടുത്തത്. ബ്രൈറ്റണ്‍ കോളജ് അബൂദബി, ബ്രിട്ടീഷ് സ്‌കൂള്‍ അല്‍ ഖുബൈറാത്ത്, ക്രാന്‍ലീ അബൂദബി, ദുബൈ കോളജ്,ജുമൈറ കോളജ്, ജുമൈറ ഇംഗ്ലീഷ് സ്പീക്കിങ് സ്‌കൂള്‍, നോര്‍ഡ് ആംഗ്ലിയ ഇന്റര്‍നാഷണല്‍ സ്‌കൂള്‍ ദുബൈ, എന്‍.എല്‍.സി എസ് ദുബൈ, റെപ്റ്റണ്‍ സ്‌കൂള്‍ ദുബൈ, സ്വിസ് സയന്റിഫിക് ഇന്റര്‍നാഷണല്‍ സ്‌കൂള്‍ എന്നിവ ഇതില്‍ പെടും.