തൃക്കരിപ്പൂര്‍: വില്ലകള്‍ നിര്‍മാണ പദ്ധതിയുമായി എത്തിയവരെ നാട്ടുകാര്‍ തടഞ്ഞു. പടന്ന മാച്ചിക്കാട് ഹോമിയോ ആശുപത്രിക്ക് സമിപം ഇന്നലെ ഉച്ചയോടെയാണ് സംഭവം.
പരിസ്ഥിതി അഘാതവും നിരവധി വീടുകളിലേക്കുള്ള വഴി മുടങ്ങുന്നതും ആരോപിച്ചാണ് സ്ത്രീകളടങ്ങുന്ന നൂറോളം നാട്ടുകാര്‍ പദ്ധതി തടഞ്ഞത്. അനധികൃത മണലെടുപ്പ് മൂലം പരിസ്ഥിതി അഘാതം നേരിടുന്ന പ്രദേശത്ത് 80 സെന്റ് സ്ഥലത്താണ് ഇരുപതിലധികം വില്ലകള്‍ സ്ഥാപിക്കാന്‍ അളന്ന് തിട്ടപ്പെടുത്തി മരക്കുറ്റികള്‍ സ്ഥാപിച്ചത്. വില്ലകളുടെ നിര്‍മാണ പദ്ധതിക്ക് പിന്നില്‍ ആരെന്ന് വെളിപ്പെടുത്താത്തതും നാട്ടുകാരെ സംശയത്തിലാക്കി.