മലയാളി മാധ്യമപ്രവര്‍ത്തകന്‍ സിദ്ദീഖ് കാപ്പനും മനുഷ്യാവകാശ പ്രവര്‍ത്തക ടീസ്റ്റ സെതല്‍വാദിനും ജാമ്യം നല്‍കിയ സുപ്രിംകോടതി ഉത്തരവിനെ വിമര്‍ശിച്ച് ആര്‍എസ്എസ് സൈദ്ധാന്തികന്‍ ടി.ജി മോഹന്‍ദാസ്. പുപുറത്തിറങ്ങി നടക്കാന്‍ പേടിയാകുന്നെന്നാണ് മോഹന്‍ദാസിന്റെ ട്വീറ്റ്. വിഷയത്തില്‍ വേറെയും ട്വീറ്റുകളുണ്ട് മോഹന്‍ ദാസിന്റേതായി. സിദ്ദീഖ് കാപ്പന്റെ കേസുമായി ബന്ധപ്പെട്ടതുള്‍പെടെയുള്ള ഫണ്ടിങ്ങിനെ കുറിച്ച ദീര്‍ഘമായ ഒരു പോസ്റ്റ് ഫേസ്ബുക്കിലുണ്ട് ആര്‍എസ്എസ് സൈദ്ധാന്തികന്റേതായി.

'ആദ്യം ടീസ്റ്റ സെതല്‍വാദിന് ജാമ്യം ലഭിച്ചു. ഇപ്പോള്‍ ദേ സിദ്ദിഖ് കാപ്പനും ജാമ്യം കൊടുത്തിരിക്കുന്നു! പുറത്തിറങ്ങി നടക്കാന്‍ പേടിയാകുന്നു' എന്നാണ് അദ്ദേഹത്തിന്റെ ആദ്യ കുറിപ്പ്.

ആദ്യം ടീസ്റ്റ സെതൽവാദിന് ജാമ്യം ലഭിച്ചു. ഇപ്പോൾ ദേ സിദ്ദിഖ് കാപ്പനും ജാമ്യം കൊടുത്തിരിക്കുന്നു!
പുറത്തിറങ്ങി നടക്കാൻ പേടിയാകുന്നു!!

— TG Mohandas (@mohandastg) September 9, 2022

ടീസ്റ്റയ്ക്ക് ജാമ്യം കൊടുത്തത് തന്നെ അത്ഭുതപ്പെടുത്തിയെന്നാണ് മറ്റൊരു ട്വീറ്റ്.
' (ജസ്റ്റിസ് യുയു ലളിത്) ലളിതിന്റെ കണ്ണ് എവിടെ ഉടക്കും എന്ന് മഹേഷിന് നന്നായറിയാം. പക്ഷേ ഇന്ന് എന്തോ പാളിപ്പോയി.. പക്ഷേ ടീസ്റ്റയ്ക്ക് ജാമ്യം കൊടുത്തതില്‍ എനിക്ക് അത്ഭുതം തോന്നി! ഹൈക്കോടതിയുടെ മുമ്പില്‍ ഇരിക്കുന്ന ഒരു മാറ്ററില്‍ വേഗം തീരുമാനമെടുക്കൂ എന്ന് പറയാമെന്നല്ലാതെ അതില്‍ കയറി വിധി പറഞ്ഞത് ശരിയായില്ല.'

ലളിതിൻ്റെ കണ്ണ് എവിടെ ഉടക്കും എന്ന് മഹേഷിന് നന്നായറിയാം. പക്ഷേ ഇന്ന് എന്തോ പാളിപ്പോയി..

പക്ഷേ ടീസ്റ്റയ്ക്ക് ജാമ്യം കൊടുത്തതിൽ എനിക്ക് അത്ഭുതം തോന്നി! ഹൈക്കോടതിയുടെ മുമ്പിൽ ഇരിക്കുന്ന ഒരു മാറ്ററിൽ വേഗം തീരുമാനമെടുക്കൂ എന്ന് പറയാമെന്നല്ലാതെ അതിൽ കയറി വിധി പറഞ്ഞത് ശരിയായില്ല
2/2

— TG Mohandas (@mohandastg) September 9, 2022

മുതിര്‍ന്ന അഭിഭാഷകന്‍ മഹേഷ് ജത്മലാനി ഫോമിലല്ലാതെ പോയതാണ് കാപ്പന് ജാമ്യം കിട്ടാന്‍ കാരണമെന്നും നിരീക്ഷിക്കുന്നു ആര്‍.എസ്.എസ് സൈദ്ധാന്തികന്‍. 'അസാമാന്യമായ നിയമ പാടവമുള്ള ആളാണ് ചീഫ് ജസ്റ്റിസ് യു യു ലളിത്. അദ്ദേഹത്തെ വെറുതെ കുറ്റപ്പെടുത്താന്‍ ഞാനില്ല. ഇന്ന് മഹേഷ് ജത്മലാനി ഫോമില്‍ ആയിരുന്നില്ല. അതാണ് ചില പ്രധാനപ്പെട്ട കാര്യങ്ങള്‍ വിട്ടു പോയത്. അങ്ങനെ സിദ്ദിഖ് കാപ്പന് ജാമ്യം ലഭിച്ചു.' മോഹന്‍ ദാസ് ട്വീറ്റ് ചെയ്തു.

അസാമാന്യമായ നിയമ പാടവമുള്ള ആളാണ് ചീഫ് ജസ്റ്റിസ് യു യു ലളിത്. അദ്ദേഹത്തെ വെറുതെ കുറ്റപ്പെടുത്താൻ ഞാനില്ല. ഇന്ന് മഹേഷ് ജേഠ്മലാനി ഫോമിൽ ആയിരുന്നില്ല. അതാണ് ചില പ്രധാനപ്പെട്ട കാര്യങ്ങൾ വിട്ടു പോയത്. അങ്ങനെ സിദ്ദിഖ് കാപ്പന് ജാമ്യം ലഭിച്ചു.
1/2

— TG Mohandas (@mohandastg) September 9, 2022

വെള്ളിയാഴ്ചയാണ് ചീഫ് ജസ്റ്റിസ് യുയു ലളിത് അധ്യക്ഷനും ജസ്റ്റിസ് രവീന്ദ്രഭട്ട്, ജസ്റ്റിസ് പിഎസ് നരസിംഹ എന്നിവര്‍ അംഗങ്ങളുമായ ബഞ്ച് സിദ്ദീഖ് കാപ്പന് ജാമ്യം അനുവദിച്ചത്. 2020 ഒക്ടോബറില്‍ ഹാഥറസിലേക്കുള്ള യാത്രയ്ക്കിടെയാണ് സിദ്ദീഖ് കാപ്പന്‍ അറസ്റ്റിലായത്. എഴുനൂറിലേറെ ദിവസം ജയിലില്‍ കഴിഞ്ഞ ശേഷമാണ് കാപ്പന്‍ ജയില്‍ മോചിതനാകുന്നത്. ഇ.ഡി കേസില്‍ കൂടി ജാമ്യം കിട്ടിയാല്‍ അദ്ദേഹത്തിന് പുറത്തിറങ്ങാം. ജാമ്യം നേടി ആറാഴ്ച ഡല്‍ഹിയില്‍ കഴിയണമെന്നും അതിനുശേഷം കേരളത്തിലേക്ക് പോകാമെന്നുമാണ് സുപ്രിംകോടതി ഉത്തരവില്‍ പറയുന്നത്.

ഹാത്രസില്‍ കലാപം സൃഷ്ടിക്കാന്‍ ശ്രമിച്ചുവെന്നാരോപിച്ചാണ് യു.പി പൊലിസ് കാപ്പനെ യു.എ.പി.എ ചുമത്തി അറസ്റ്റ് ചെയ്തത്. അലഹബാദ് ഹൈക്കോടതി നേരത്തെ കാപ്പന് ജാമ്യം നിഷേധിച്ചിരുന്നു. ഇതേ തുടര്‍ന്നാണ് ജാമ്യം തേടി സുപ്രിംകോടതിയെ സമീപിച്ചത്.