കോഴിക്കോട്: ടി.പി വധക്കേസ് പ്രതി മുഹമ്മദ് ഷാഫിയുടെ വീട്ടില്‍ നിന്ന് പൊലിസ് യൂണിഫോമിലെ സ്റ്റാര്‍ കണ്ടെത്തി. സ്വര്‍ണക്കടത്തുമായി ബന്ധപ്പെട്ട കസ്റ്റംസ് റെയ്ഡിനിടെയാണ് യൂനിഫോമിന്റെ ഭാഗമായ സ്റ്റാര്‍ കണ്ടെത്തിയത്. സ്വര്‍ണക്കടത്ത് കേസില്‍ ടി.പി ചന്ദ്രശേഖരന്റെ വധത്തിലെ പ്രതികളിലേക്കാണ് വിരല്‍ ചൂണ്ടുന്നത്. ഇതേക്കുറിച്ച് വ്യക്തമായ മൊഴികള്‍ പിടിയിലായ പ്രതികള്‍ നല്‍കിയിട്ടുണ്ട്.
പൊലിസ് വേഷത്തില്‍ ഷാഫി അടക്കമുള്ളവര്‍ സ്വര്‍ണക്കടത്തില്‍ ഇടപെട്ടിരുന്നു എന്നതിന്റെ സൂചനയാണിതെന്നാണ് സംശയം. ലാപ്ടോപും വിലപ്പെട്ട മറ്റുരേഖകളും ഷാഫിയുടെ വീട്ടില്‍ നിന്ന് കണ്ടെത്തിയിട്ടുണ്ട്.
ഏഴാം തിയതി ചോദ്യം ചെയ്യലിന് ഹാജരാവാന്‍ ആവശ്യപ്പെട്ട് കസ്റ്റംസ് ഷാഫിക്ക് നോട്ടിസ് നല്‍കിയിട്ടുണ്ട്. ടി.പി വധക്കേസിലെ മറ്റൊരു പ്രതിയായ കൊടി സുനിയുടെ വീട്ടിലും കസ്റ്റംസ് റെയ്ഡ് നടത്തുന്നുണ്ട്.