ദുബൈ: ഖത്തര്‍ ലോകകപ്പുമായി ബന്ധപ്പെട്ട് ദുബൈയില്‍ സുരക്ഷാ അവലോകനയോഗം ചേര്‍ന്നു.മത്സരങ്ങള്‍ കാണാന്‍ ദുബൈ വഴി യാത്രചെയ്യാനൊരുങ്ങുന്നവരെ സ്വീകരിക്കുന്നതിന്റെ ഭാഗമായാണ് അധികൃതര്‍ ഉന്നത തല യോഗം ചേര്‍ന്നത്. ഇതുമായി ബന്ധപ്പെട്ട് ദുബൈ ഈവന്റസ് സെക്യൂരിറ്റി കമ്മിറ്റി (ഇ.എസ്.സി.) ദുബൈ സ്‌പോര്‍ട്‌സ് കൗണ്‍സിലുമായും മറ്റ് സര്‍ക്കാര്‍,സ്വകാര്യ സ്ഥാപനങ്ങളുമായും കൂടിക്കാഴ്ചകള്‍ നടത്തി. സന്ദര്‍ശകരെ സ്വാഗതം ചെയ്യുന്നതിനും ദുബൈയില്‍നിന്നും ദോഹയിലേക്കും തിരിച്ചുമുള്ള യാത്ര സുഗമമാകുന്നതിനുമുള്ള കാര്യങ്ങള്‍ കൂടിക്കാഴ്ചയില്‍ ചര്‍ച്ചയായി.നഗരത്തിലുടനീളം സജ്ജീകരിച്ച ഫുട്‌ബോള്‍ ഫാന്‍ സോണുകള്‍ സുരക്ഷിതമാക്കാന്‍ ദുബൈ പൊലിസ് സ്വീകരിച്ച നടപടികളും അവലോകനം ചെയ്തു.