പുതുച്ചേരി • സമസ്ത സന്ദേശയാത്രയ്ക്ക് തമിഴകത്ത് വൻ സ്വീകാര്യത. 12 മുതൽ 19 വരെ തമിഴ്‌നാട്ടിലും പുതുച്ചേരിയിലും പ്രധാന നഗരങ്ങൾ കേന്ദ്രീകരിച്ചു നടത്തുന്ന സമസ്ത സന്ദേശയാത്രയെ വരവേൽക്കാൻ ഉലമാക്കളും ഉമറാക്കളും ഉൾപ്പെടെ നിരവധി പേരാണ് സ്വീകരണ കേന്ദ്രങ്ങളിൽ എത്തിച്ചേരുന്നത്. സമസ്ത കേരള ജംഇയ്യതുൽ ഉലമയുടെ പ്രവർത്തനഫലമായി ആത്മീയ രംഗത്തും വിദ്യാഭ്യാസ സാമൂഹിക മേഖലയിലും കേരളീയർക്ക് ലഭിച്ച സമാനതകളില്ലാത്ത നേട്ടം തിരിച്ചറിഞ്ഞ തമിഴകം സമസ്തയുടെ സന്ദേശയാത്രയ്ക്ക് വലിയ പ്രാധാന്യമാണ് കൽപ്പിക്കുന്നത്.
സമസ്ത കേരള ജംഇയ്യതുൽ ഉലമായുടെ നൂറാം വാർഷികത്തിന്റെ ഭാഗമായി സമസ്തയുടെ പ്രവർത്തനങ്ങൾ വ്യാപിപ്പിക്കുകയും വിദ്യാഭ്യാസ സംവിധാനങ്ങൾ വിപുലപ്പെടുത്തുകയുമാണ് സമസ്ത തമിഴ്‌നാട് സന്ദേശയാത്രയുടെ ലക്ഷ്യം. പുതുച്ചേരി സുൽത്താൻപേട്ട് ഓഡിറ്റോറിയത്തിൽ രാവിലെ 11ന് നടന്ന സമ്മേളനത്തോടെയാണ് ഇന്നലെ സന്ദേശയാത്ര ആരംഭിച്ചത്. കോഴിക്കോട് ഖാസി അബ്ദുന്നാസിർ ഹയ്യ് ശിഹാബ് തങ്ങൾ ഉദ്ഘാടനം ചെയ്തു. സമസ്ത കേരള ഇസ് ലാം മത വിദ്യാഭ്യാസ ബോർഡ് ജനറൽ സെക്രട്ടറി എം.ടി അബ്ദുല്ല മുസ് ലിയാർ അധ്യക്ഷനായി. സമസ്ത സെക്രട്ടറി പി.പി ഉമർ മുസ് ലിയാർ കൊയ്യോട് മുഖ്യപ്രഭാഷണം നടത്തി. സന്ദേശയാത്ര സമിതി കൺവിനർ അബ്ദുസ്സമദ് പൂക്കോട്ടൂർ വിഷയാവതരണം നടത്തി.

സമസ്ത കേന്ദ്രം മുശാവറ അംഗം പി.കെ ഹംസക്കുട്ടി മുസ്‌ലിയാർ ആദൃശേരി, സമസ്ത വിദ്യാഭ്യാസ ബോർഡ് എക്‌സിക്യുട്ടിവ് അംഗങ്ങളായ ഇ. മൊയ്തീൻ ഫൈസി പുത്തനഴി, എസ്. സഈദ് മുസ് ലിയാർ വിഴിഞ്ഞം, ഇസ്മാഈൽ കുഞ്ഞു ഹാജി മാന്നാർ, എം. അബ്ദുറഹ്മാൻ മുസ്‌ലിയാർ കൊടക്, സമസ്ത മാനേജർ കെ. മോയിൻകുട്ടി മാസ്റ്റർ, ജാമിയ കലിമ ത്വയ്യിബ പ്രിൻസിപ്പൽ എം.എച്ച് സൈനുൽ ആബിദീൻ മളാഹിരി, പുതുച്ചേരി ജംഇയ്യതുൽ ഉലമ പ്രസിഡന്റ് മൗലവി മുഹമ്മദ് മുബാറക് ദാവൂദി, പുതുച്ചേരി ടൗൺ ഖാസി മൗലവി ളിയാഉദ്ദീൻ മമ്പഈ, ജമാഅത്ത് പ്രസിഡന്റ് എ. മുഹമ്മദ് യാസീൻ, ജനറൽ സെക്രട്ടറി ഉബൈദ് റഹ്മാൻ, ഐ.യു.എം.എൽ പുതുച്ചേരി സ്റ്റേറ്റ് വൈസ് പ്രസിഡന്റ് ഖൈറുല്ല, ഇസ്മാഈൽ ഹാജി എടച്ചേരി, സൈദ് ഹാജി നാട്ടുകൽ, കെ.കെ നാസർ, വി. അജ്മൽ, റുഫൈദ് എം. അബ്ദുൽ ജബ്ബാർ, സൈനുൽ ആബിദീൻ, ഉമറുൽ ഫാറൂഖ് കരിപ്പൂർ പ്രസംഗിച്ചു. സമസ്ത കേരള ഇസ് ലാം മത വിദ്യാഭ്യാസ ബോർഡ് സെക്രട്ടറി ഡോ. എൻ.എ.എം അബ്ദുൽ ഖാദർ സ്വാഗതവും പി. ഹംസ പുതുച്ചേരി നന്ദിയും പറഞ്ഞു.

സമാപന സമ്മേളനം പറങ്കിപ്പേട്ട് ദർഗ ശരീഫിൽ അന്ത്യവിശ്രമം കൊള്ളുന്ന ഉക്കാശ് (റ) മഖ്ബറയിൽ സിയാറത്ത് ചെയ്താണ് ജാമിഅ കലിമ ത്വയ്യിബ അറബി കോളജ് അങ്കണത്തിൽ ആരംഭിച്ചത്. അബ്ദുന്നാസിർ ഹയ്യ് ശിഹാബ് തങ്ങൾ പ്രാർഥനയ്ക്ക് നേതൃത്വം നൽകി. എം.ടി അബ്ദുല്ല മുസ് ലിയാർ ഉദ്ഘാടനം ചെയ്തു. കൊയ്യോട് പി.പി ഉമർ മുസ് ലിയാർ അധ്യക്ഷനായി. സാബിഖലി ശിഹാബ് തങ്ങൾ മുഖ്യപ്രഭാഷണവും അബ്ദുസ്സമദ് പൂക്കോട്ടൂർ സമസ്ത സന്ദേശയാത്ര വിശദീകരണവും നടത്തി.
പി.കെ ഹംസക്കുട്ടി മുസ്‌ലിയാർ ആദൃശേരി, ഡോ. എൻ.എ.എം അബ്ദുൽ ഖാദർ, എസ്. സഈദ് മുസ് ലിയാർ വിഴിഞ്ഞം, ഇസ്മാഈൽ കുഞ്ഞു ഹാജി മാന്നാർ, എം. അബ്ദുറഹ്മാൻ മുസ്‌ലിയാർ കൊടക്, സമസ്ത മാനേജർ കെ. മോയിൻകുട്ടി മാസ്റ്റർ, ജാമിയ കലിമ ത്വയ്യിബ പ്രിൻസിപ്പൽ എം.എച്ച് സൈനുൽ ആബിദീൻ മളാഹിരി, പറങ്കിപ്പേട്ട് ഐക്യ ജമാഅത്ത് പ്രസിഡ യൂനുസ് ഹാജി പ്രസംഗിച്ചു. ഇ. മൊയ്തീൻ ഫൈസി പുത്തനഴി സ്വാഗതവും ഇല്യാസ് ബാഖവി നന്ദിയും പറഞ്ഞു.