കണ്ണൂര്‍: സ്വര്‍ണക്കള്ളക്കടത്ത് കേസില്‍ അര്‍ജുന്‍ ആയങ്കിയുടെ ചോദ്യം ചെയ്യല്‍ ഇന്നും തുടരും. നാളെ കസ്റ്റഡി കാലാവധി അവസാനിക്കാനിരിക്കെ ചില നിര്‍ണായക തെളിവുകള്‍ കൂടി കസ്റ്റംസിന് ലഭിക്കാനുണ്ട്.അതേ സമയം അര്‍ജുന്റെ ഭാര്യയെ അന്വേഷണസംഘം ഇന്ന് ചോദ്യം ചെയ്യും.

അര്‍ജുന്റെ ഭാര്യയോട് രാവിലെ 11 മണിക്ക് കസ്റ്റംസ് പ്രിവന്റീവിന്റെ കൊച്ചിയിലെ ഓഫിസില്‍ ഹാജരാകാനാണ് ആവശ്യപ്പെട്ടിരിക്കുന്നത്. കഴിഞ്ഞ ദിവസം കണ്ണൂരെത്തിയ കസ്റ്റംസ് സംഘം ചോദ്യം ചെയ്യലിന് ഹാജരാകണമെന്നാവശ്യപ്പെട്ട് അര്‍ജുന്റെ ഭാര്യയ്ക്ക് നോട്ടിസ് നല്‍കുകയായിരുന്നു.