കാസര്‍കോട്: കിഴൂര്‍ കടപ്പുറത്ത് തോണി മറിഞ്ഞ് കാഞ്ഞങ്ങാട് അജാനൂര്‍ സ്വദേശിയടക്കം മൂന്നു മത്സ്യ തൊഴിലാളികളെ കാണാതായി ഇന്ന് രാവിലെ മത്സ്യബന്ധനത്തിടെ അഴിയോടു ചേര്‍ന്നാണ് അപകടമുണ്ടായത് തിരമാലയില്‍ പെട്ട് ഏഴോളം പേര്‍ തോണിയില്‍ ഉണ്ടായിരുന്നു. ഇതില്‍ മൂന്നുപേരെയാണ്കാണാതായത്. മറ്റുള്ളവരെ മറ്റു വള്ളങ്ങളിലെ മത്സ്യ തൊഴിലാളികള്‍ ചേര്‍ന്ന് രക്ഷപ്പെടുത്തി കാണാതായ ഒരാള്‍ മണ്ണെണ്ണ കന്നാസില്‍ പിടിച്ച് രക്ഷപ്പെട്ട് കരയോടു ചേരാന്‍ നേരത്താണ് കാണാതായതെന്നു രക്ഷാപ്രവര്‍ത്തകര്‍ അറിയിച്ചു. കാണാതായ വര്‍ക്കു വേണ്ടി മത്സ്യ തൊഴിലാളികളും കോസ്റ്റല്‍ പൊലിസും മറ്റുള്ളവരും ചേര്‍ന്ന് തിരച്ചില്‍ തുടരുന്നു.