ചേളാരി: സുപ്രഭാതം ദിനപത്രം എട്ടാമത് വാര്‍ഷിക കാംപയിനിന്റെ ഭാഗമായി നേതൃസംഗമങ്ങള്‍ക്ക് തുടക്കമായി. ഈ മാസം 20 മുതല്‍ ഓഗസ്റ്റ് പത്തു വരെ നടക്കുന്ന കാംപയിന്‍ ഭാഗമായാണ് നേതൃസംഗമം സംഘടിപ്പിച്ചത്.
കാസര്‍കോട്, കണ്ണൂര്‍, കോഴിക്കോട്, വയനാട്, നീലഗിരി, മലപ്പുറം ഈസ്റ്റ്, മലപ്പുറം വെസ്റ്റ്, പാലക്കാട്, തൃശൂര്‍ ജില്ലകളിലെ എസ്.വൈ.എസ്, എസ്.കെ.ജെ.എം, എസ്.കെ.എസ്.എസ്.എഫ് എന്നിവയുടെ ജില്ലാ പ്രതിനിധികളാണ് ഇന്നലെ ചേളാരി സമസ്താലയത്തില്‍ സംഗമിച്ചത്. കാംപയിന്‍ സമിതി ചെയര്‍മാന്‍ അബ്ദുസ്സമദ് പൂക്കോട്ടൂര്‍ അധ്യക്ഷനായി. സുപ്രഭാതം കണ്‍വിനര്‍ അബ്ദുല്‍ ഹമീദ് ഫൈസി അമ്പലക്കടവ് ഉദ്ഘാടനം ചെയ്തു.

കാംപയിന്‍ കണ്‍വിനര്‍ കൊടക് അബ്ദുറഹ്മാന്‍ മുസ്‌ലിയാര്‍ സ്വാഗതം പറഞ്ഞു. സി.ഇ.ഒ മുസ്തഫ മുണ്ടുപാറ പദ്ധതി വിശദീകരിച്ചു. കെ. മോയിന്‍കുട്ടി മാസ്റ്റര്‍, കെ.കെ.എസ് തങ്ങള്‍ വെട്ടിച്ചിറ, എം.എ ചേളാരി, നാസര്‍ ഫൈസി കൂടത്തായി, കാംപയിന്‍ സമിതി അംഗങ്ങളായ ടി.കെ മുഹമ്മദ് കുട്ടി ഫൈസി, കെ.ടി ഹുസൈന്‍ കുട്ടി മുസ്‌ലിയാര്‍, ഒ.പി.എം അശ്‌റഫ്, ഐ.എം അബ്ദുറഹ്മാന്‍, മാനേജിങ് എഡിറ്റര്‍ നവാസ് പൂനൂര്‍, വിവിധ ജില്ലാ ഭാരവാഹികള്‍ സംസാരിച്ചു. 16ന് എറണാകുളത്തും 17ന് കൊല്ലത്തും വിവിധ ജില്ലാ ഭാരവാഹികളുടെ നേതൃസംഗമങ്ങള്‍ നടക്കും. വിവിധ കേന്ദ്രങ്ങളിലായി മേഖലാ കോഡിനേറ്റര്‍മാരുടെ സംഗമവും ചേരും.