തിരുവനന്തപുരം: തിരുവനന്തപുരം പാലോട് താന്നിമൂടില്‍ ഓടിക്കൊണ്ടിരിക്കുന്ന കാറിന് തീപിടിച്ചു. യാത്രക്കാരായ രണ്ട് പേര്‍ കാറില്‍ നിന്നും ചാടി രക്ഷപ്പെട്ടു. കാര്‍ പൂര്‍ണമായി കത്തി നശിച്ചു. ചുണ്ടത്തിക്കരിക്കകം മേഖലയില്‍ ഉച്ചയ്ക്ക് ഒരുമണിയോടെയാണ് സംഭവം.

അത്ഭുതകരമായാണ് യാത്രക്കാര്‍ രക്ഷപ്പെട്ടത്. കാറില്‍ നിന്ന് പുക ഉയരുന്നത് കണ്ട ഇവര്‍ കാറില്‍ നിന്ന് ചാടുകയായിരുന്നു. തീപിടിത്തത്തിന്റെ കാരണം വ്യക്തമല്ല.