കോഴിക്കോട്: റവന്യൂ ജില്ലാ ജൂഡോ-റസ്‌ലിങ് മത്സരങ്ങള്‍ നാളെ മുതല്‍ കോഴിക്കോട് ഇന്‍ഡോര്‍ സ്റ്റേഡിയത്തില്‍ നടക്കും. ഒക്ടോബര്‍ 14ന് കണ്ണൂരില്‍ നടക്കുന്ന സംസ്ഥാന ഉത്തരമേഖലാ സോണല്‍ മത്സരത്തില്‍ പങ്കെടുക്കാനുള്ള ടീമുകളെ ഈ മത്സരത്തില്‍ നിന്ന് തിരഞ്ഞെടുക്കും. തൈക്കോണ്ടോ ചാംപ്യന്‍ഷിപ്പ് 27ന് രാവിലെ ഇന്‍ഡോര്‍ സ്റ്റേഡിയത്തിലും ബാസ്‌ക്കറ്റ്‌ബോള്‍ മത്സരം സെപ്റ്റംബര്‍ ഒന്നിന് വെസ്റ്റ്ഹില്‍ സെന്റ് മൈക്കിള്‍സ് സ്‌കൂളിലും നടക്കും.
അണ്ടര്‍ 17 ക്രിക്കറ്റ് മത്സരം 29ന് പയ്യോളി ജി.വി.എച്ച്.എസ്.എസിലും അണ്ടര്‍ 19 മത്സരം 30നും നടക്കും. അണ്ടര്‍ 17 ഫുട്‌ബോള്‍ മത്സരം സെപ്റ്റംബര്‍ ഒന്നിനും അണ്ടര്‍ 17 മത്സരം രണ്ടിനും വടകര നാരായണ നഗരം സ്റ്റേഡിയത്തില്‍ നടക്കും.
താമരശ്ശേരി ജി.വി.എച്ച്.എസില്‍ മൂന്നിന് അണ്ടര്‍ 17 കബഡി മത്സരവും നാലിന് അണ്ടര്‍ 19 കബഡി മത്സരവും നടക്കും. ചെസ് മത്സരം സില്‍വര്‍ ഹില്‍സ് സ്‌കൂളിലും ടേബിള്‍ ടെന്നീസ് ഇന്‍ഡോര്‍ സ്റ്റേഡിയത്തിലുമാണ് നടക്കുക.