കെ.ടി അബൂബക്കർ വിളയിൽ

മ​ഞ്ഞു​പൂ​ക്ക​ളി​ൽ നി​ലാഹി​മം പൊ​ഴി​യു​ന്ന​പോ​ൽ... ക​വി​വ​രി​ക​ളെ സ്വാം​ശീ​ക​രി​ക്കു​ന്ന​യി​ടം. ഒ​റ്റ​യാ​ത്ര​യി​ൽ ക​ണ്ടു​മ​ട​ങ്ങാ​ൻ ക​ഴി​യാ​ത്ത​ത്ര​യും കാ​ഴ്ച​ക​ൾ. മ​ല​നി​ര​ക​ളാ​ൽ ചു​റ്റ​പ്പെ​ട്ട് ഹി​മാ​ല​യ സാ​നു​ക്ക​ൾ​ക്കി​ട​യി​ൽ വി​സ്മ​യം തീ​ർ​ക്കു​ന്ന സ​ഞ്ചാ​രി​ക​ളു​ടെ പ​റു​ദീ​സ. കി​ഴ​ക്ക് ഭൂ​ട്ടാ​നും പ​ടി​ഞ്ഞാ​റ് നേ​പ്പാ​ളും വ​ട​ക്ക് ടി​ബ​റ്റും തെ​ക്ക് പ​ശ്ചി​മ​ബം​ഗാ​ളും അ​തി​ർ​ത്തി​ക​ൾ തീ​ർ​ക്കു​ന്ന സ​മ്പ​ന്ന സം​സ്‌​കാ​ര​ങ്ങ​ളു​ടെ സം​ഗ​മ​ഭൂ​മി. വ്യ​ത്യ​സ്താ​ചാ​ര​ങ്ങ​ൾ, വി​ചി​ത്രാ​രാ​ധ​നാ രീ​തി, വൈ​വി​ധ്യോ​ത്സ​വ​ങ്ങ​ൾ, ക​ണ്ണു​ട​ക്കു​ന്ന നൃ​ത്ത​നൃ​ത്യ​ങ്ങ​ൾ, ആ​ക​ർ​ഷ​ക​മാ​ണ് താ​ഴ്‌​വ​ര, നീ​ല​ത്ത​ടാ​ക​ങ്ങ​ൾ ശാ​ന്ത​വും... ഒ​രു മാ​ന്ത്രി​ക കൊ​ളാ​ഷി​ലെ​ന്ന​പോ​ൽ ഇ​ത​ൾ​വി​ട​ർ​ത്തു​ന്ന അ​തി​ശ​യ​ക​ര​മാ​യ പ്ര​കൃ​തി​ദൃ​ശ്യ​ങ്ങ​ൾ. ഇ​തൊ​ക്കെ​യാ​ണ് സി​ക്കിം. രാ​ജ്യ​ത്തെ ര​ണ്ടാ​മ​ത്തെ ചെ​റി​യ സം​സ്ഥാ​നം.
ഒ​രു വ​ശ​ത്ത് ഇ​ടി​ഞ്ഞു​വീ​ഴാ​റാ​യി തൂ​ങ്ങി​നി​ൽ​ക്കു​ന്ന പാ​റ​ക്കെ​ട്ടു​ക​ൾ. മ​റു​വ​ശ​ത്തെ​യ​റ്റം എ​വി​ടെ​യെ​ന്ന് തി​ട്ട​പ്പെ​ടു​ത്താ​ൻ ക​ഴി​യാ​ത്ത​ത്ര​യും ആ​ഴ​മു​ള്ള കൊ​ക്ക​ക​ൾ. ഭൂ​മി​യി​ലെ മൂ​ന്നാ​മ​ത്തേ​തും രാ​ജ്യ​ത്തെ ഏ​റ്റ​വും ഉ​യ​ർ​ന്ന​തു​മാ​യ കാ​ഞ്ച​ൻ​ജം​ഗ കൊ​ടു​മു​ടി​യു​ടെ ആ​തി​ഥേ​യ മ​ണ്ണ്. കാ​ഴ്ച​ക​ളു​ടെ വ​സ​ന്ത​മൊ​രു​ക്കു​ന്ന ആ ​സ്വ​പ്ന​ഭൂ​മി​യി​ലേ​ക്കാ​യി​രു​ന്നു ഞ​ങ്ങ​ളു​ടെ യാ​ത്ര.

അ​സ​മി​ലെ ഗു​വാ​ഹ​ത്തി റെ​യി​ൽ​വേ സ്റ്റേ​ഷ​നി​ൽ​നി​ന്ന് ടെം​പോ ട്രാ​വ​ല​റി​ലാ​ണ് ത​ല​സ്ഥാ​ന​മാ​യ ഗാ​ങ്‌​ടോ​ക്കി​ലേ​ക്ക് യാ​ത്ര തി​രി​ക്കു​ന്ന​ത്. കി​ഴ​ക്ക​ൻ ഹി​മാ​ല​യ​ത്തി​ൽ നി​ന്നു​ത്ഭ​വി​ച്ച് സി​ക്കിം, പ​ശ്ചി​മ​ബം​ഗാ​ൾ​വ​ഴി ബം​ഗാ​ൾ ഉ​ൾ​ക്ക​ട​ലി​ൽ പ​തി​ക്കു​ന്ന ബ്ര​ഹ്മ​പു​ത്ര ന​ദി​യു​ടെ പോ​ഷ​ക​ന​ദി ടീ​സ്റ്റ​യു​ടെ തീ​ര​ത്തെ വ​ള​ഞ്ഞു​പു​ള​ഞ്ഞ വ​ഴി​ക​ളി​ലൂ​ടെ ആ​ടി​യു​മു​ല​ഞ്ഞും ടാ​ക്‌​സി ഓ​ടി​ക്കൊ​ണ്ടി​രു​ന്നു. കു​ന്നു​ക​ളെ​യും കാ​ടു​ക​ളെ​യും താ​ഴ്‌​വ​ര​ക​ളെ​യും ത​ഴു​കി​വ​രു​ന്ന ടീ​സ്റ്റ​യു​ടെ ത​ര​ള​ഭാ​വ​ങ്ങ​ളി​ല​ലി​ഞ്ഞ് മ​ഴ​യും വെ​യി​ലും ഒ​ളി​ച്ചു​ക​ളി​ച്ച വ​ഴി​ക​ളി​ലൂ​ടെ​യു​ള്ള ആ ​യാ​ത്ര ആ​സ്വാ​ദ്യ​ക​ര​മാ​യി​രു​ന്നു. ഡാ​ർ​ജ​ലി​ങ്ങി​നും സി​ക്കി​മി​നും ഇ​ട​യി​ലു​ള്ള അ​തി​ർ​ത്തി​യാ​യി മാ​റു​ന്ന ടീ​സ്റ്റ ന​ദി ജ​ന​പ്രി​യ സാ​ഹ​സി​ക വി​നോ​ദ​ങ്ങ​ളി​ൽ ഒ​ന്നാ​യ വൈ​റ്റ്‌​വാ​ട്ട​ർ റാ​ഫ്റ്റി​ങ് റൂ​ട്ടു​ക​ൾ​ക്ക് പേ​രു​കേ​ട്ട​താ​ണ്. ഇ​ടു​ങ്ങി​യ റോ​ഡു​ക​ളും ക​ലു​ങ്കു​നി​ർ​മാ​ണ​വും മ​ഴ​യും വ​ഴി​ക​ളി​ൽ ത​ട​സ​ങ്ങ​ൾ സൃ​ഷ്ടി​ച്ചെ​ങ്കി​ലും ചു​റ്റു​മു​ള്ള പ്ര​കൃ​തി​യു​ടെ വ​ശ്യ​മ​നോ​ഹാ​രി​ത മ​നം​ കീ​ഴ​ട​ക്കി.

സി​ക്കിം ടാ​ക്‌​സി സ്റ്റാ​ൻ​ഡി​ൽ​നി​ന്ന് ര​ണ്ട​ര കി​ലോ​മീ​റ്റ​ർ അ​ക​ലെ​യു​ള്ള എം.​ജി സ്ട്രീ​റ്റി​ലേ​ക്ക് വ​ലി​യ വാ​ഹ​ന​ങ്ങ​ൾ​ക്കു പ്ര​വേ​ശ​ന​മി​ല്ലാ​ത്ത​തി​നാ​ൽ ര​ണ്ടു ചെ​റി​യ ടാ​ക്‌​സി കാ​റു​ക​ളി​ലാ​ണ് ഞ​ങ്ങ​ൾ ഏ​ഴു​പേ​രു​ടെ യാ​ത്ര. ശാ​ന്ത​വും സ​വി​ശേ​ഷ​വു​മാ​യ പ്ര​കൃ​തി സൗ​ന്ദ​ര്യ​മാ​ണ​വി​ടം. എം.​ജി സ്ട്രീ​റ്റി​ന്റെ മ​ധ്യ​ത്തി​ൽ​ത​ന്നെ താ​മ​സം ത​ര​പ്പെ​ട്ടു. ഗാ​ങ്‌​ടോ​ക്കി​ലെ ഗാ​ന്ധി​വീ​ഥി​യി​ലെ സാ​യം​സ​ന്ധ്യ​യു​ടെ സൗ​വ​ർ​ണ ശോ​ഭ​യി​ലേ​ക്കാ​ണ് കാ​ഴ്ച​ക​ൾ കാ​ണാ​നി​റ​ങ്ങി​യ​ത്. സാ​ഹ​സി​ക​ത​യു​ടെ​യും പ്ര​കൃ​തി​ഭം​ഗി​യു​ടെ​യും മ​റ്റൊ​രി​ട​ത്തും കാ​ണാ​ത്ത ലോ​കം ക​ൺ​മു​ന്നി​ൽ തു​റ​ന്ന​പോ​ലെ. ചാ​റ്റ​ൽ​മ​ഴ​യി​ലും ന​ല്ല ആ​ൾ​ത്തി​ര​ക്ക്. വി​വി​ധ നി​റ​ത്തി​ലു​ള്ള ബ​ൾ​ബു​ക​ളു​ടെ വെ​ളി​ച്ച​ത്തി​ൽ മ​ഴ​ന​ന​ഞ്ഞ റോ​ഡി​ൽ വ​ർ​ണ​രാ​ജി​ക​ളു​ടെ പ്ര​തി​ബിം​ബം. ഇ​ന്ത്യ​യി​ലെ ഏ​റ്റ​വും മ​നോ​ഹ​ര​മാ​യ സം​സ്ഥാ​ന​ങ്ങ​ളി​ലൊ​ന്നാ​യ സി​ക്കിം സ്ഥാ​പ​ക​ദി​നം ആ​ഘോ​ഷി​ക്കു​ന്ന മെ​യ് 16നാ​ണ് ഞ​ങ്ങ​ൾ ഗാ​ങ്‌​ടോ​ക്കി​ലെ​ത്തു​ന്ന​ത്.

പ​ട്ടു​പാ​ത​യി​ലെ വി​ശ്വാ​സ​ങ്ങ​ൾ

പി​റ്റേ​ന്നു രാ​വി​ലെ നാ​ഥു​ലാ പാ​സ് കാ​ഴ്ച​ക​ൾ കാ​ണാ​നി​റ​ങ്ങി. ഇ​ന്ത്യ​യ്ക്കും ചൈ​ന​യ്ക്കു​മി​ട​യി​ലെ അ​വി​ശ്വ​സ​നീ​യ​മാ​യ പ്ര​കൃ​തി​സൗ​ന്ദ​ര്യം നി​റ​ഞ്ഞ ച​രി​ത്ര​പ്ര​സി​ദ്ധ​മാ​യ സി​ൽ​ക്ക് റൂ​ട്ട് അ​ഥ​വാ പ​ട്ടു​പാ​ത എ​ന്ന​റി​യ​പ്പെ​ടു​ന്ന​താ​ണ് നാ​ഥു​ല ചു​രം. ഇ​വി​ടെ ഒ​രു യു​ദ്ധ സ്മാ​ര​ക​വും ഇ​ന്ത്യ​ൻ ആ​ർ​മി​യു​ടെ പ്ര​ദ​ർ​ശ​ന കേ​ന്ദ്ര​വു​മു​ണ്ട്. ചൈ​ന​യു​ടെ​യും ഇ​ന്ത്യ​യു​ടെ​യും സൈ​നി​ക​ർ ഇ​രു​വ​ശ​ത്തും കാ​വ​ൽ നി​ൽ​ക്കു​ന്നു. അ​തി​ർ​ത്തി​യോ​ടു ചേ​ർ​ന്ന് സ്ഥി​തി​ചെ​യ്യു​ന്ന​തി​നാ​ൽ ര​ജി​സ്റ്റ​ർ ചെ​യ്ത ടൂ​ർ ഓ​പ​റേ​റ്റ​ർ​മാ​ർ മു​ഖേ​ന ഗാ​ങ്‌​ടോ​ക്കി​ലെ സി​ക്കിം ടൂ​റി​സം വ​കു​പ്പി​ന്റെ അ​നു​മ​തി നേ​ടി​യ​തി​നു ശേ​ഷം മാ​ത്ര​മേ ഇ​വി​ടേ​ക്ക് പ്ര​വേ​ശി​ക്കാ​ൻ ക​ഴി​യൂ. നാ​ഥു​ല​യി​ലേ​ക്ക് പ്ര​വേ​ശി​ക്കു​ന്ന​തി​ന് ഒ​രു ദി​വ​സം മു​മ്പ് പാ​സ് എ​ടു​ത്തി​രി​ക്ക​ണം.

ഗാ​ങ്‌​ടോ​ക്കി​ൽ​നി​ന്ന് കി​ഴ​ക്കു​മാ​റി 57 കി​ലോ​മീ​റ്റ​ർ ദൂ​ര​മു​ള്ള​തും 14,140 അ​ടി ഉ​യ​ര​ത്തി​ൽ സ്ഥി​തി​ചെ​യ്യു​ന്ന​തു​മാ​യ നാ​ഥു​ലാ ലോ​ക​ത്തെ ഏ​റ്റ​വും ഉ​യ​ര​മേ​റി​യ ഗ​താ​ഗ​ത മാ​ർ​ഗ​ങ്ങ​ളി​ലൊ​ന്നാ​ണ്. സ​ന്ദ​ർ​ശ​ന​ത്തി​ന് ഏ​റ്റ​വും അ​നു​യോ​ജ്യ​മാ​യ സ​മ​യം മെ​യ് മു​ത​ൽ ഒ​ക്‌​ടോ​ബ​ർ വ​രെ​യാ​ണ്. ശ​രാ​ശ​രി താ​പ​നി​ല 10 ഡി​ഗ്രി സെ​ൽ​ഷ്യ​സ്. ശൈ​ത്യ​കാ​ല​ത്ത് നാ​ഥു​ലാ ചു​ര​ത്തി​ൽ വ്യ​ത്യ​സ്ത​മാ​യ കാ​ഴ്ച​യാ​ണു​ണ്ടാ​വു​ക. മ​ഞ്ഞു​പ്രേ​മി​ക​ൾ​ക്ക് സ​ന്ദ​ർ​ശി​ക്കാ​ൻ ഏ​റ്റ​വും അ​നു​യോ​ജ്യ​മാ​യ സ​മ​യ​മാ​ണെ​ങ്കി​ലും റോ​ഡി​ന്റെ അ​വ​സ്ഥ കാ​ര​ണം നാ​ഥു​ല ചു​രം മി​ക്ക സ​മ​യ​ത്തും അ​ട​ച്ചേ​ക്കാം. തി​ങ്ക​ൾ, ചൊ​വ്വ ഒ​ഴി​കെ​യു​ള്ള ദി​വ​സ​ങ്ങ​ളി​ലാ​ണ് സ​ഞ്ചാ​രാ​നു​മ​തി​യു​ള്ള​ത്. ടി​ബ​റ്റി​ന്റെ ത​ല​സ്ഥാ​ന​മാ​യ ലാ​സ​യി​ൽ​നി​ന്ന് ചു​ര​ത്തി​ലേ​യ്ക്ക് 493 കി​ലോ​മീ​റ്റ​ർ ദൂ​ര​മു​ണ്ട്.

നാ​ഥു​ല ചു​രം​യാ​ത്ര അ​തീ​വ സാ​ഹ​സി​ക​മാ​ണ്. അ​പ​ക​ട​ക​ര​മാ​യ അ​നേ​കം തി​രി​യ​ലു​ക​ളു​മാ​യി കി​ലോ​മീ​റ്റ​റു​ക​ളോ​ളം വ​ള​ഞ്ഞു​കി​ട​ക്കു​ന്ന ഈ ​റോ​ഡി​ൽ ന​ല്ല വൈ​ദ​ഗ്ധ്യ​മു​ണ്ടെ​ങ്കി​ൽ മാ​ത്ര​മേ എ​തി​രേ​വ​രു​ന്ന വാ​ഹ​ന​ങ്ങ​ളെ ത​ട്ടാ​തെ ഡ്രൈ​വ് ചെ​യ്തു​പോ​കാ​നാ​വൂ. ചു​ര​ത്തി​നി​രു​വ​ശ​വു​മു​ള്ള പ്ര​കൃ​തി​യു​ടെ ശാ​ന്ത​സു​ന്ദ​ര​വും ഗം​ഭീ​ര​വു​മാ​യ കാ​ഴ്ച​ക​ൾ ആ​രെ​യും ആ​ശ്ച​ര്യ​പ്പെ​ടു​ത്തും. ഫോ​ട്ടോ എ​ടു​ക്കാ​നാ​യി വ​ണ്ടി​യു​ടെ വേ​ഗ​ത കു​റ​ക്കാ​ൻ ആ​വ​ശ്യ​പ്പെ​ട്ട​പ്പോ​ൾ ഖ​ത​ർ​നാ​ക് ഹെ, ​പ​ഥ​ർ ഗി​രേ ഗാ (​അ​പ​ക​ട​മാ​ണ്, ക​ല്ലു​ക​ൾ വീ​ഴും) എ​ന്ന് ഡ്രൈ​വ​ർ പ​റ​യു​ന്നു​ണ്ടാ​യി​രു​ന്നു.

ത​ണു​ത്തു​റ​യും ത​ടാ​ക​ക്ക​ര​യി​ൽ

നാ​ഥു​ല ചു​ര​ത്തി​ലേ​ക്ക് ന​യി​ക്കു​ന്ന കു​ത്ത​നെ​യു​ള്ള പാ​ത​യി​ൽ സ​മു​ദ്ര​നി​ര​പ്പി​ൽ​നി​ന്ന് 12,313 അ​ടി ഉ​യ​ര​ത്തി​ൽ സ്ഥി​തി​ചെ​യ്യു​ന്നു, സോം​ഗോ/​ചം​ഗു ത​ടാ​കം. ത​ണു​പ്പു​കാ​ല​ങ്ങ​ളി​ൽ മ​ഞ്ഞു​റ​ഞ്ഞ് കി​ട​ക്കു​ന്ന ഇ​വി​ടം വേ​ന​ൽ​ക്കാ​ല​ത്താ​ണ് ത​ടാ​ക​രൂ​പം കൈ​വ​രി​ക്കു​ന്ന​ത്. 2006ൽ ​ഇ​ന്ത്യ​ൻ പോ​സ്റ്റ​ൽ വ​കു​പ്പ് ഈ ​ത​ടാ​ക​ത്തി​ന്റെ ചി​ത്രം പ​തി​ച്ച സ്റ്റാ​മ്പ് പു​റ​ത്തി​റ​ക്കി​യി​രു​ന്നു. ചു​റ്റു​മു​ള്ള കു​ന്നു​ക​ളു​ടെ പ്ര​തി​ബിം​ബം പ്ര​തി​ഫ​ലി​പ്പി​ച്ച് ഒ​രു ഹി​മ​സു​ന്ദ​രി​യെ​പ്പോ​ലെ തെ​ളി​ഞ്ഞു​കി​ട​ക്കു​ന്ന ത​ടാ​ക​ക്ക​ര​യി​ൽ, അ​ല​ങ്ക​രി​ച്ച യാ​ക്കു​ക​ളും കോ​വ​ർ​ക​ഴു​ത​ക​ളും ആ​ന​ന്ദ​സ​വാ​രി​ക്കാ​യി ഒ​രു​ങ്ങി​നി​ൽ​പ്പു​ണ്ട്. സി​ക്കി​മി​ലു​ള്ള​വ​ർ ഏ​റെ വി​ശു​ദ്ധ​മാ​യാ​ണ് ഇ​തി​നെ ക​ണ​ക്കാ​ക്കു​ന്ന​ത്.

നാ​ഥു​ല​യി​ലേ​ക്കു​ള്ള ര​ണ്ടാ​യി വി​ഭ​ജി​ക്കു​ന്ന റോ​ഡി​ൽ സോം​ഗോ ത​ടാ​ക​ത്തി​ൽ​നി​ന്ന് ര​ണ്ട് കി​ലോ​മീ​റ്റ​ർ മാ​ത്രം അ​ക​ലെ​യാ​ണ് ബാ​ബാ ഹ​ർ​ഭ​ജ​ൻ സി​ങ് മ​ന്ദി​ർ. 1962ൽ ​ഇ​ന്ത്യ-​ചൈ​ന യു​ദ്ധ​ത്തി​ൽ കാ​ണാ​താ​വു​ക​യും പി​ന്നീ​ട് നാ​ഥു​ലാ​യ്ക്കു സ​മീ​പം 22ാം വ​യ​സി​ൽ വീ​ര​മൃ​ത്യു വ​രി​ക്കു​ക​യും ചെ​യ്ത 23ാം റെ​ജി​മെ​ന്റി​ലെ ശി​പാ​യി ആ​യി​രു​ന്ന പ​ഞ്ചാ​ബ് സ്വ​ദേ​ശി​യാ​യ ബാ​ബാ ഹ​ർ​ഭ​ജ​ൻ സി​ങ്ങി​ന്റെ സ്മ​ര​ണ​യ്ക്കാ​ണ് ഇ​തു നി​ർ​മി​ച്ച​ത്. ഇ​ന്ത്യ​ൻ സൈ​ന്യ​മാ​ണ് ഇ​തു പ​രി​പാ​ലി​ക്കു​ന്ന​ത്. കാ​ണാ​താ​യി ഏ​താ​നും ദി​വ​സ​ങ്ങ​ൾ​ക്കു ശേ​ഷം അ​ദ്ദേ​ഹം സ്വ​പ്ന​ത്തി​ൽ പ്ര​ത്യ​ക്ഷ​പ്പെ​ടു​ക​യും ത​ന്റെ ഓ​ർ​മ​യ്ക്കാ​യി സ്മാ​ര​കം നി​ർ​മി​ക്ക​ണ​മെ​ന്ന് ആ​ഗ്ര​ഹം പ്ര​ക​ടി​പ്പി​ക്കു​ക​യും ചെ​യ്തു​വെ​ന്നാ​ണ് ഐ​തി​ഹ്യം. ബാ​ബ ഹ​ർ​ഭ​ജ​ൻ സി​ങ് ക്ഷേ​ത്രം, ചം​ഗു ത​ടാ​കം, നാ​ഥു​ല ചു​രം എ​ന്നി​വ ഒ​റ്റ​പാ​സി​ൽ ഒ​രു​ദി​വ​സ​ത്തെ യാ​ത്ര​യി​ൽ പോ​കാം. നാ​ഥു​ല പാ​സി​ലെ സ്തം​ഭി​പ്പി​ക്കു​ന്ന കാ​ഴ്ച​ക​ൾ മ​നം​നി​റ​യെ ക​ണ്ട് ശ്വാ​സ​മ​ട​ക്കി​പ്പി​ടി​ച്ചാ​ണ് ചെ​ങ്കു​ത്താ​യ മ​ല തി​രി​ച്ചി​റ​ങ്ങി ഞ​ങ്ങ​ൾ ഗാ​ങ്‌​ടോ​ക്കി​ലേ​ക്ക് മ​ട​ങ്ങി​യ​ത്.

രോ​ഗ​ശാ​ന്തി​യു​ടെ ത​ടാ​കം
വ​ട​ക്ക​ൻ സി​ക്കി​മി​ലെ മ​നോ​ഹ​ര​മാ​യ പ​ട്ട​ണ​മാ​യ ലാ​ച്ച​നി​ൽ സ്ഥി​തി​ചെ​യ്യു​ന്ന ലോ​ക​ത്തി​ലെ ഏ​റ്റ​വും ഉ​യ​രം​കൂ​ടി​യ പ​തി​ന​ഞ്ച് ത​ടാ​ക​ങ്ങ​ളി​ലൊ​ന്നാ​യ ഗു​രു​ഡോ​ങ്മാ​ർ പ്ര​ധാ​ന ആ​ക​ർ​ഷ​ണ​മാ​ണ്. ചോ​ല​മു ത​ടാ​ക​ത്തി​നു ശേ​ഷം സി​ക്കി​മി​ലെ ഉ​യ​രം​കൂ​ടി​യ ര​ണ്ടാ​മ​ത്തെ ത​ടാ​കം കൂ​ടി​യാ​യ ഇ​തി​ലെ ജ​ല​ത്തി​ന് രോഗ​ശാ​ന്തി​യു​ണ്ടെ​ന്ന് വി​ശ്വ​സി​ക്ക​പ്പെ​ടു​ന്നു.

വ​ട​ക്ക​ൻ സി​ക്കി​മി​ലെ ‘പൂ​ക്ക​ളു​ടെ താ​ഴ്‌​വ​ര’ എ​ന്ന​റി​യ​പ്പെ​ടു​ന്ന യം​താ​ങ് താ​ഴ്‌​വ​ര ഗാ​ങ്‌​ടോ​ക്കി​ൽ​നി​ന്ന് 140 കി​ലോ​മീ​റ്റ​റ​ക​ലെ, സ​മു​ദ്ര​നി​ര​പ്പി​ൽ നി​ന്ന് 3,564 മീ​റ്റ​ർ ഉ​യ​ര​ത്തി​ലാ​ണ്. ചൂ​ടു​നീ​രു​റ​വ​ക​ൾ, ന​ദി​ക​ൾ, യാ​ക്കു​ക​ൾ, പ​ച്ച​പ്പു​നി​റ​ഞ്ഞ പു​ൽ​മേ​ടു​ക​ൾ, വി​വി​ധ​യി​നം പൂ​ക്ക​ൾ തു​ട​ങ്ങി​യ​വ​യാ​ൽ സ​മൃ​ദ്ധ​മാ​യ ഇ​വി​ടം പ്ര​കൃ​തി​സ്‌​നേ​ഹി​ക​ളെ വി​സ്മ​യി​പ്പി​ക്കു​ന്നു. വ​ട​ക്ക​ൻ സി​ക്കി​മി​ന്റെ ര​ത്‌​ന​മാ​യ ലാ​ച്ച​നും ലാ​ചു​ങ്ങും ലോ​കോ​ത്ത​ര കാ​ഴ്ച​യു​മാ​യി അ​വി​സ്മ​ര​ണീ​യ​മാ​യ യാ​ത്രാ​നു​ഭ​വ​മൊ​രു​ക്കു​ന്നു.

വ​ട​ക്ക​ൻ സി​ക്കി​മി​ലെ ചോ​ല​മു ത​ടാ​കം സ​മു​ദ്ര​നി​ര​പ്പി​ൽ​നി​ന്ന് 18,000 അ​ടി ഉ​യ​ര​ത്തി​ലാ​ണ് സ്ഥി​തി​ചെ​യ്യു​ന്ന​ത്. ടി​ബ​റ്റ് അ​തി​ർ​ത്തി​യി​ൽ​നി​ന്ന് ഏ​താ​നും കി​ലോ​മീ​റ്റ​ർ മാ​ത്രം അ​ക​ലെ​യാ​ണ് ചോ​ല​മു ത​ടാ​കം. ഇ​വി​ടം സ​ന്ദ​ർ​ശി​ക്കാ​ൻ പ്ര​ത്യേ​ക പെ​ർ​മി​റ്റ് ആ​വ​ശ്യ​മാ​ണ്. ഹി​മാ​ല​യ​ത്തി​ന്റെ മ​ടി​ത്ത​ട്ടി​ലെ അ​തി​ശ​യ​ക​ര​വും സ​ന്ദ​ർ​ശ​ക​ർ​ക്ക് പോ​കാ​ൻ ക​ഴി​യു​ന്ന അ​വ​സാ​ന മേ​ഖ​ല​യു​മാ​ണ് ഏ​ക​ദേ​ശം 15,000 അ​ടി ഉ​യ​ര​ത്തി​ൽ, ഇ​ന്ത്യ-​ചൈ​ന അ​തി​ർ​ത്തി​യോ​ട് ചേ​ർ​ന്നു​കി​ട​ക്കു​ന്ന യു​മേ സാം​ഡോ​ങ് അ​ല്ലെ​ങ്കി​ൽ സീ​റോ പോ​യി​ന്റ് എ​ന്ന​റി​യ​പ്പെ​ടു​ന്ന​ത്. വ​ള​രെ ഉ​യ​ര​ത്തി​ലും ഓ​ക്‌​സി​ജ​ന്റെ അ​ഭാ​വ​ത്തി​ലു​മാ​ണെ​ങ്കി​ലും ലോ​ക​ത്തി​ന്റെ നെ​റു​ക​യി​ൽ എ​ത്താ​ൻ ആ​ഗ്ര​ഹി​ക്കു​ന്ന​വ​ർ തീ​ർ​ച്ച​യാ​യും പോ​കേ​ണ്ട സ്ഥ​ല​മാ​ണി​ത്. ഗാ​ങ്‌​ടോ​ക്കി​ന് മു​ക​ളി​ലൂ​ടെ​യു​ള്ള മ​നോ​ഹ​ര​മാ​യ കേ​ബി​ൾ കാ​റി​ലെ ആ​കാ​ശ​യാ​ത്ര മറ്റൊ​ര​നു​ഭ​വ​മാ​ണ്.

സി​ക്കി​മി​ൽ ജൂ​ൺ അ​വ​സാ​നം മു​ത​ൽ സെ​പ്റ്റം​ബ​ർ വ​രെ മ​ഴ​ക്കാ​ല​മാ​ണ്. ന​വം​ബ​ർ മു​ത​ൽ മ​ഞ്ഞു​കാ​ല​വും ആ​രം​ഭി​ക്കും. പ​ക്ഷേ, എ​ല്ലാ ദി​വ​സ​വും സ​ന്ദ​ർ​ശ​ക​ർ ഉ​ണ്ടാ​കാ​റു​ണ്ട്. ഫെ​ബ്രു​വ​രി മു​ത​ൽ ജൂ​ൺ ആ​ദ്യം വ​രെ​യും സെ​പ്റ്റം​ബ​ർ മു​ത​ൽ ന​വം​ബ​ർ അ​വ​സാ​നം വ​രെ​യും ടൂ​റി​സ്റ്റു​ക​ളെ​ക്കൊ​ണ്ട് ഇ​വി​ടം നി​റ​ഞ്ഞി​രി​ക്കും. മ​ല ചെ​ത്തി​യെ​ടു​ത്ത പ​ർ​വ​ത​പാ​ത​ക​ൾ, ചു​റ്റും മൊ​ട്ട​ക്കു​ന്നു​ക​ളും ചെ​ങ്കു​ത്താ​യി നി​ൽ​ക്കു​ന്ന പാ​റ​ക്കെ​ട്ടു​ക​ളും പു​ൽ​മേ​ടു​ക​ളും. അ​തി​നി​ട​യി​ൽ കു​ത്ത​നെ താ​ഴോ​ട്ടു ചാ​ടു​ന്ന അ​നേ​കം വെ​ള്ള​ച്ചാ​ട്ട​ങ്ങ​ൾ. ഇ​തൊ​ക്കെ​യാ​ണ് സി​ക്കിം.
•