പത്തനംതിട്ട: കലഞ്ഞൂരില്‍ ഭാര്യയുടെ കൈകള്‍ വെട്ടിമാറ്റിയ ഭര്‍ത്താവ് അറസ്റ്റില്‍. കലഞ്ഞൂര്‍ ചാവടിമല സ്വദേശി വിദ്യയുടെ കൈകള്‍ വെട്ടിയ കേസിലാണ് ഭര്‍ത്താവ് ഏലക്കുളം സ്വദേശി സന്തോഷിനെ അറസ്റ്റ് ചെയ്തത്. അടൂരില്‍നിന്നുമാണ് കൂടല്‍ പൊലീസ് ഇയാളെ അറസ്റ്റ് ചെയ്തത്.

കുറേ നാളായി വിദ്യയും സന്തോഷും വേര്‍പിരിഞ്ഞു കഴിയുകയാണ്. വിദ്യയുടെ വീട്ടില്‍ അതിക്രമിച്ചു കയറിയാണ് ആക്രമണം നടത്തിയത്. വിദ്യയുടെ ഒരു കൈമുട്ടും കൈപ്പത്തിയും അറ്റു. തടയുന്നതിനിടയില്‍ അച്ഛന്‍ വിജയനും പരുക്കേറ്റു. ഇരുവരേയും തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.

ഇരുവരും തമ്മിലുള്ള വിവാഹമോചന കേസ് കോടതിയുടെ പരിഗണനയിലാണ്. സംഭവത്തില്‍ വധശ്രമം അടക്കമുള്ള കുറ്റങ്ങള്‍ ചുമത്തി കൂടല്‍ പൊലിസ് അന്വേഷണം തുടങ്ങി.