വടകര: ടൗണ്‍ നവീകരണത്തിന്റെ ഭാഗമായി ആയഞ്ചേരിയില്‍ നിര്‍മിച്ച നടപ്പാത സ്ലാബിട്ടു മൂടാത്തതു കാല്‍നട യാത്ര ദുഷ്‌കരമാക്കുന്നു. തിരക്കേറിയ മെയിന്‍ റോഡില്‍ എസ്.ബി.ടി ബില്‍ഡിങ്ങിന് എതിര്‍വശത്തുള്ള ട്രാന്‍ഫോമറിനു പിന്നിലായി നാലുമീറ്റര്‍ നീളത്തില്‍ സ്ലാബിടാത്തതാണു കാല്‍നട യാത്രക്കാരെ വലക്കുന്നത്.
ടൗണ്‍ നവീകരണത്തിന്റെ ഭാഗമായി മെയിന്‍ റോഡില്‍ എന്‍.കെ ആശുപത്രി മുതല്‍ വില്ലേജ് ഓഫിസ് പരിസരം വരെ റോഡിനിരുവശത്തും ഓവുചാലും സുരക്ഷാ വേലിയും സ്ഥാപിച്ചിട്ടുണ്ടെങ്കിലും സ്ലാബിടല്‍ പൂര്‍ത്തിയാകാത്തതിനാല്‍ നാട്ടുകാര്‍ പ്രയാസപ്പെടുകയാണ്. ഇട്ട സ്ലാബുകളുടെ ജോയിന്റുകള്‍ അടക്കാത്തതിനാല്‍ അപകടം പതിയിരിക്കുന്നുമുണ്ട്.