കൊച്ചി: എറണാകുളം വൈഗ കൊലപാതക കേസില്‍ പൊലിസ് കുറ്റപത്രം സമര്‍പ്പിച്ചു. പ്രതി സനുമോഹന്‍ അറസ്റ്റിലായി എണ്‍പത്തിരണ്ടാം ദിവസമാണ് പൊലിസ് കുറ്റപത്രം സമര്‍പ്പിച്ചത്.

വലിയ കടബാധ്യതയുണ്ടായിരുന്ന സനു മോഹന്‍ അതില്‍ നിന്ന് രക്ഷപെടാന്‍ വേണ്ടിയാണ് കൊലപ്പെടുത്തിയതെന്നാണ് കുറ്റപത്രത്തിലുളളത്. മകള്‍ ജീവിച്ചിരുന്നാല്‍ ബാധ്യതയാകുമെന്നും സനുമോഹന്‍ കരുതി. വേറെ നാട്ടില്‍ വേറൊരു ആളായി ജീവിക്കാനാണ് സനു മോഹന്‍ പദ്ധതിയിട്ടത്.

കൊലപാതകം, തട്ടിക്കൊണ്ടുപോകല്‍, ജുവനൈല്‍ ജസ്റ്റിസ് ആക്ട് തുടങ്ങിയ കുറ്റങ്ങള്‍ സനുമോഹനെതിരെ ചുമത്തിയിട്ടുണ്ട്.

236 പേജുള്ള കുറ്റപത്രത്തിനൊപ്പം1200 പേജുള്ള കേസ് ഡയറിയും അന്വേഷണ സംഘം കോടതിയില്‍ സമര്‍പ്പിച്ചിട്ടുണ്ട്. കേസില്‍ 97 സാക്ഷികളാണുള്ളത്.