ചണ്ഡീഗഡ്: ചണ്ഡീഗഡ് സര്‍വകലാശാലയിലെ വനിതാ ഹോസ്റ്റലില്‍ കുളിമുറി ദൃശ്യങ്ങള്‍ ചോര്‍ന്നുവെന്ന പരാതിയില്‍ രണ്ടു പേര്‍ കൂടി അറസ്റ്റിലായി. ഷിംല സ്വദേശികളായ രണ്ട് പേരാണ് അറസ്റ്റിലായത്. വിഡിയോ ചിത്രീകരിച്ച് പുരുഷ സുഹൃത്തിന് കൈമാറിയെന്ന് കരുതുന്ന പെണ്‍കുട്ടി നേരത്തേ അറസ്റ്റിലായിരുന്നു. ഇതോടെ കേസില്‍ അറസ്റ്റിലായവരുടെ എണ്ണം മൂന്നായി. സര്‍വകലാശാല സപ്തംബര്‍ 24 വരെ അടച്ചിടാന്‍ തീരുമാനിച്ചിട്ടുണ്ട്.
ഷിംല പൊലിസ് അറസ്റ്റ് ചെയ്ത രണ്ട് പ്രതികളെ പഞ്ചാബ് പൊലിസിന് കൈമാറി. ഇവരില്‍ ഒരാള്‍ പെണ്‍കുട്ടിയുടെ പുരുഷ സുഹൃത്താണ്. അന്വേഷണത്തിന് ഐ.പി.എസ് ഉദ്യോഗസ്ഥന്റെ നേതൃത്വത്തില്‍ പ്രത്യേക സംഘം രൂപീകരിച്ചു. പ്രതിഷേധം കനത്തതിനെ തുടര്‍ന്ന് മജിസ്‌ട്രേറ്റ് തല അന്വേഷണവും പ്രഖ്യാപിച്ചിട്ടുണ്ട്.