നെടുമ്പാശ്ശേരി: ആലുവ അങ്കമാലി ദേശീയപാതയില്‍ സ്വകാര്യ ബസും ചരക്ക് ലോറിയും ഇടിച്ച് ബസിലെ ആറ് യാത്രക്കാര്‍ക്ക് പരുക്കേറ്റു.
അങ്കമാലി പറവൂര്‍ റൂട്ടില്‍ ഓടുന്ന സ്വകാര്യ ബസിനു പിന്നില്‍ തമിഴ്‌നാട്ടില്‍ നിന്നും വന്ന ചരക്ക് ലോറി ഇടിക്കുകയായിരുന്നു. ദേശീയപാതയില്‍ കരിയാടിനു വടക്ക് വശം തേന്‍കുളം റോഡിനടുത്തായിരുന്നു അപകടം.
സബാസ്റ്റ്യന്‍ ( 44)നാരായണന്‍ (60), സണ്ണി(50) ,സുന്ദരം (56), പ്രകാശ് (21),സാറാമ്മ (52) എന്നിവര്‍ക്കാണ് പരുക്കേറ്റത് . ഇവരെ അങ്കമാലിയിലെ സ്വകാര്യ ആശുപത്രിയില്‍ പ്രവേശിപ്പിച്ചു