ഈ പച്ചക്കറികള്‍ പച്ചയ്ക്ക് കഴിക്കരുത്

പച്ചക്കറികള്‍ കഴിക്കുന്നത് ആരോഗ്യത്തിന് നല്ലതാണ്. എന്നാല്‍ അവ വേവിക്കാതെ കഴിക്കുന്നത് അത്ര നല്ല ശീലമല്ലെന്നാണ് ആരോഗ്യവിദഗ്ധര്‍ പറയുന്നത്. ചില പച്ചക്കറികള്‍ വേവിക്കാതെ കഴിക്കുന്നത് അനാരോഗ്യകരമാണെന്ന് വിദഗ്ധര്‍ പറയുന്നു. അത്തരത്തില്‍ പച്ചയ്ക്ക് കഴിക്കാന്‍ പാടില്ലാത്ത പച്ചക്കറികള്‍ ഏതെന്ന് നോക്കാം.

കാബേജ് ഈ പട്ടികയില്‍ ഉള്‍പ്പെടുന്നതാണ്. വേവിക്കാത്ത കാബേജില്‍ ടേപ്പ് വേമുകള്‍ അഥവാ വിരകളും അവയുടെ മുട്ടകളും കാണും. ഇതുമൂലം ദഹനപ്രശ്‌നങ്ങളും അസ്വസ്ഥതയും ഉണ്ടാകും. അതുകൊണ്ട് കാബേജ് നന്നായി വേവിച്ചു മാത്രം കഴിക്കാനും ഡോ. ഡിംപിള്‍ നിര്‍ദ്ദേശിക്കുന്നു.

കാപ്‌സിക്കം ആണ് അടുത്തതായി ഈ പട്ടികയില്‍ ഉള്‍പ്പെടുന്നത്. കാപ്‌സിക്കം പച്ചയ്ക്ക് കഴിക്കുന്നതും അനാരോഗ്യകരമാണ്. ആദ്യം കാപ്‌സിക്കത്തിന്റെ രണ്ടു ഭാഗങ്ങളും മുറിച്ചു മാറ്റുക. തുടര്‍ന്ന് അവയുടെ വിത്തുകളും നീക്കം ചെയ്യുക. കാരണം കാപ്‌സിക്കത്തിന്റെ വിത്തില്‍ ടേപ്പ് വേമിന്റെ മുട്ടകള്‍ (അണുബാധ) കാണും.

വഴുതനങ്ങയാണ് അവസാനമായി ഈ പട്ടികയില്‍ ഉള്‍പ്പെടുന്നത്. വഴുതനങ്ങയുടെ കുരുവില്‍ ടേപ്പ് വേമുകള്‍ ധാരാളം ഉണ്ടാകും. അതുകൊണ്ടുതന്നെ നന്നായി കഴുകിയും വേവിച്ചും മാത്രമേ വഴുതനങ്ങ കഴിക്കാവൂ.