കാക്കനാട്: ഇന്‍ഫോ പാര്‍ക്കിനു മുന്നില്‍ സ്വകാര്യ ബസും ബൈക്കും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു. കോട്ടയം സ്വദേശി ജോയി (30)യാണ് മരിച്ചത്. ഇന്നലെ രാത്രി 10 മണിയോടെയാണ് അപകടം. ബൈക്കിന് പിന്നിലിരുന്ന് യാത്ര ചെയ്യുകയായിരുന്ന ജോയിയുടെ ശരീരത്തിലൂടെ ബസിന്റെ ചക്രങ്ങള്‍ കയറുകയായിരുന്നു. ബൈക്ക് ഓടിച്ചിരുന്നയാള്‍ നിസാര പരിക്കുകളോടെ രക്ഷപ്പെട്ടു.
ഷാന എന്ന ബസാണ് അപകടമുണ്ടാക്കിയതെന്ന് ഇന്‍ഫോപാര്‍ക്ക് പോലീസ് പറഞ്ഞു. നിര്‍ത്താതെ പോയ ബസ് ഇടച്ചിറയില്‍ നിന്നും പോലീസ് കസ്റ്റഡിയിലെടുത്തു.
രോഷാകുലരായ ജനം റോഡ് ഉപരോധിച്ചു. ഇന്‍ഫോ പാര്‍ക്കിനു മുന്നിലെ അനധികൃത പാര്‍ക്കിംഗ് അവസാനിപ്പിക്കണമെന്ന ആവശ്യവുമായി യുവജന സംഘടനകളും രംഗത്തെത്തി.