കണ്ണൂര്‍: ജനയുഗം ലേഖനത്തില്‍ പ്രതികരണവുമായി കെ.പി.സി.സി അധ്യക്ഷന്‍ കെ. സുധാകരന്‍. ചുമലില്‍ കൈവച്ചു നടക്കുന്ന പാര്‍ട്ടി എന്താണെന്ന് സി.പി.ഐക്ക് വൈകിയെങ്കിലും മനസിലായതില്‍ സന്തോഷമുണ്ടെന്ന് അദ്ദേഹം മാധ്യമപ്രവര്‍ത്തകരോടു പറഞ്ഞു.
കോണ്‍ഗ്രസ് ഇതു നേരത്തെ മനസിലാക്കിയതാണ്. ജനാധിപത്യപരമായ ഒരു നാട് സൃഷ്ടിക്കാന്‍ സി.പി.ഐ തങ്ങളോടൊപ്പം ഉണ്ടാകുമെന്നാണു കോണ്‍ഗ്രസ് വിശ്വസിക്കുന്നത്. സി.പി.എമ്മിനു നിയന്ത്രിക്കാനാവാത്ത വിധം പാര്‍ട്ടി ഗ്രാമങ്ങള്‍ മാറി. ഭരണത്തിന്റെ പിന്തുണയുള്ളതുകൊണ്ടാണ് ക്വട്ടേഷന്‍ സംഘങ്ങള്‍ വിഹരിക്കുന്നത്. കൊടി സുനി ജയിലില്‍ ആഡംബര ജീവിതം നയിക്കുകയാണ്. സി.പി.ഐക്ക് ഇതു തുറന്നുപറയാനായതു സുകൃതമാണ്. സ്വര്‍ണക്കടത്ത് അന്വേഷണം നേരെ ചൊവ്വേയല്ല പോകുന്നതെന്നും സുധാകരന്‍ ആരോപിച്ചു.