ഡെറാഡൂണ്‍ • ഉത്തരാഖണ്ഡില്‍ നൂറ്റാണ്ടുകള്‍ പഴക്കമുള്ള ദര്‍ഗ ഹിന്ദുത്വ സംഘടനകള്‍ തകര്‍ത്തു. ഋഷികേശിലെ അമിത് ഗ്രാമിലുള്ള ദര്‍ഗയാണ് പത്തോളം ഹിന്ദുത്വ സംഘടനാ പ്രവര്‍ത്തകര്‍ ജയ് ശ്രീ റാം മുദ്രാവാക്യ വിളികളുമായെത്തി തകര്‍ത്തത്.
മഴു, കമ്പിപ്പാര എന്നിവയുമായി അക്രമി സംഘം ദര്‍ഗയുടെ ചുമരുകള്‍ തകര്‍ക്കുന്ന വിഡിയോ സമൂഹമാധ്യമങ്ങളിലൂടെ പുറത്തുവന്നു. ദേവ്ഭൂമി രക്ഷാ അഭിയാന്‍ എന്ന സംഘടനയുടെ ബാനറിലെത്തിയവരാണ് അതിക്രമങ്ങള്‍ കാട്ടിയത്. സംഭവത്തില്‍ വ്യാപക പ്രതിഷേധം ഉയര്‍ന്നെങ്കിലും ഇതുവരെ കേസ് രജിസ്റ്റര്‍ ചെയ്തിട്ടില്ല.

Dargah destroyed in Uttarakhand