കോഴിക്കോട്: രാഷ്ട്രീയം, മതം, സമൂഹം, കായികം, ബന്ധങ്ങള്‍… അങ്ങിനെ പലവിധത്തിലുള്ള ഫേസ്ബുക്ക് കുറിപ്പുകള്‍ വൈറലാകാറുണ്ട്. ഇവിടെയിതാ മാനുഷിക ബന്ധങ്ങളുടെയും കടപ്പാടിന്റെയും പേരില്‍ വൈറലായിരിക്കുകയാണ് കണ്ണൂര്‍ സ്വദേശിയായ സഹദേവന്‍ എന്നയാളുടെ ഫേസ്ബുക്ക് കുറിപ്പ്. ബസ് യാത്രയ്ക്കിടെ ചുമലില്‍ ഉറങ്ങുന്ന ഉസ്താദിന്റെ ഫോട്ടോയെടുത്ത് ബുദ്ധിമുട്ടില്ലെങ്കില്‍ ഒന്ന് വിളിക്കൂ എന്ന് പറഞ്ഞ് തന്റെ മൊബൈല്‍ നമ്പര്‍ സഹിതമാണ് സഹദേവന്റെ കുറിപ്പ്. മനുഷ്യര്‍ ജാതിയുടെയും മതത്തിന്റെയും പേരില്‍ മതില്‍ക്കെട്ടുന്ന കാലത്ത് മാനുഷിക മൂല്യങ്ങളെ ഉയര്‍ത്തിപ്പിടിക്കുന്നതാണ് ഈ നടപടിയെന്നാണ് നെറ്റിസണ്‍സ് അഭിപ്രായപ്പെടുന്നത്.

സഹദേവന്റെ കുറിപ്പ് ഇങ്ങനെ:

പ്രിയ സുഹൃത്തേ,
നിങ്ങള്‍ ആരാണെന്ന് എനിക്ക് അറിയില്ല. വര്‍ഷങ്ങള്‍ക്കുമുമ്പ് തലശ്ശേരി മുതല്‍ ഉരുവച്ചാല്‍ വരെ എന്റെ ചുമലില്‍ ഒരുകിഞ്ഞിനെ പോലെ കിടന്നുറങ്ങിയ ഈ ചിത്രം കാണുമ്പോള്‍ എന്റെ ഉള്ളില്‍ വാത്സല്യം ഉണരുകയാണ്
ഓണാശംസകള്‍!
വിരോധമില്ലെങ്കില്‍ ഒന്ന് വിളിക്കുക
9946282660
സ്‌നേഹം, നന്മ, സമൃദ്ധി