കോഴിക്കോട്: പീഡന പരാതിയില്‍ കാലിക്കറ്റ് യൂനിവേഴ്‌സിറ്റിയില്‍ അധ്യപകനെതിരെ കേസ്. ഗവേഷക വിദ്യാര്‍ഥിനിയുടെ പരാതിയില്‍ ഇംഗ്ലീഷ് വിഭാഗം അസിസ്റ്റന്റ് പ്രൊഫസര്‍ ഡോ. ഹാരിസ് കോടമ്പുഴയ്‌ക്കെതിരെയാണ് തേഞ്ഞിപ്പലം പൊലിസ് കേസെടുത്തത്.

യൂനിവേഴ്‌സിറ്റിക്ക് വിദ്യാര്‍ഥിനി നല്‍കിയ പരാതി പൊലിസിന് കൈമാറുകയായിരുന്നു. കഴിഞ്ഞ വര്‍ഷം ഒക്ടോബര്‍ മുതലുള്ള വിവിധ സംഭവങ്ങളാണ് പരാതിയിലുള്ളത്. നേരിട്ടും ഫോണിലും വാട്ടസ് അപ്മുഖേനയും ലൈംഗിക ചുവയോടെ സംസാരിച്ചതും ഇടപെട്ടതും പരാതിയിലുണ്ട്. പലപ്പോഴായി എതിരഭിപ്രായം അറിയിച്ചിട്ടും ചൂഷണം തുടര്‍ന്നതോടെയാണ് യൂനിവേഴ്‌സിറ്റി ആഭ്യന്തര പരാതി സമിതിക്ക് വിദ്യാര്‍ഥിനി പരാതി നല്‍കിയത്.