കൊച്ചി: റോഡുകളില്‍ ഗതാഗത സ്തംഭനമെന്നാരോപിച്ച് ഭാരത് ജോഡോ യാത്രക്കെതിരെ ഹൈക്കോടതിയില്‍ ഹരജി. ഭാരത് ജോഡോ യാത്ര കടന്നു പോകുന്ന വഴികളിലെല്ലാം ഗതാഗതസ്തംഭനമുണ്ടെന്നും റോഡ് പൂര്‍ണായി ജോഡോ യാത്രക്കാര്‍ക്കായി വിട്ടു നല്‍കിയിരിക്കുന്ന അവസ്ഥയാണെന്നും കാണിച്ച് ഹൈക്കോടതിയിലെ ഒരു അഭിഭാഷകനാണ് ഹരജി നല്‍കിയിരിക്കുന്നത്.

ഭാരത് ജോഡോയാത്ര ദേശീയപാതയുടെ ഒരുഭാഗത്ത് കൂടി മാത്രമാക്കി റോഡിലെ ഗതാഗത തടസ്സം ഒഴിവാക്കാന്‍ നിര്‍ദേശിക്കണമെന്നും ഇവര്‍ക്ക് പൊലിസ് സുരക്ഷ ഏര്‍പ്പെടുത്തുന്നതിന് പണം ഈടാക്കണമെന്നും ഹര്‍ജിയില്‍ ആവശ്യപ്പെടുന്നു. രാഹുല്‍ ഗാന്ധി, കെപിസിസി പ്രസിഡന്റ് കെ.സുധാകരന്‍ അടക്കമുള്ള നേതാക്കളെ എതിര്‍ കക്ഷിയാക്കിയാണ് ഹര്‍ജി സമര്‍പ്പിച്ചിരിക്കുന്നത്. ഹൈക്കോടതി നാളെ ഹരജി പരിഗണിക്കും.