ന്യൂഡല്‍ഹി: കൊവിഡ് വ്യാപനം മൂലം ഏപ്രില്‍ 24 മുതല്‍ നിര്‍ത്തിവച്ചിരുന്ന ഇന്ത്യ-ദുബൈ വിമാന സര്‍വിസുകള്‍ ഈ മാസം 15 മുതല്‍ പുനരാരംഭിച്ചേക്കും.
ഔദ്യോഗിക പ്രഖ്യാപനമുണ്ടായിട്ടില്ലെങ്കിലും വിമാനക്കമ്പനികള്‍ ബുക്കിങ് ആരംഭിച്ചു. അബൂദബിയിലേക്കുള്ള സര്‍വിസുകള്‍ ഈ മാസം 21ന് ആരംഭിച്ചേക്കും. 15ന് വിസ്താര ഡല്‍ഹിയില്‍ നിന്ന് ദുബൈയിലേക്ക് സര്‍വിസ് നടത്തും.

എമിറേറ്റ്‌സ്, ഫ്‌ളൈ ദുബൈ തുടങ്ങിയ വിമാനക്കമ്പനികള്‍ 16 മുതലും സര്‍വിസ് തുടങ്ങും.
ഇത്തിഹാദ് എയര്‍ലൈന്‍സ് 22 മുതലാണ് തുടങ്ങുക. മുംബൈയില്‍ നിന്ന് ദുബൈയിലേക്ക് വിസ്താരയും ഇന്‍ഡിഗോയും 15 മുതല്‍ പറക്കാനുള്ള ബുക്കിങ് തുടങ്ങിയിട്ടുണ്ട്. രണ്ടു ഡോസ് വാക്‌സിന്‍ എടുത്തവര്‍ക്ക് മാത്രമായിരിക്കും യു.എ.ഇയിലേക്ക് യാത്രാനുമതി. തുടക്കത്തില്‍ എല്ലാ നഗരങ്ങളില്‍ നിന്നും സര്‍വിസുണ്ടാകില്ല.