ചേര്‍ത്തല: ഇന്നോളം വന്ന ഗുരുപരമ്പരകളുടെ ദര്‍ശനങ്ങളെ സാക്ഷാത്കരിച്ച മഹാത്മാവാണ് നവജ്യോതി ശ്രീ കരുണാകരഗുരുവെന്ന് മന്ത്രി പി.തിലോത്തമന്‍ പറഞ്ഞു. ശാന്തിഗിരി ആശ്രമം സ്ഥാപകഗുരു നവജ്യോതി ശ്രീ കരുണാകര ഗുരുവിന്റെ നവതി മഹാസമ്മേളനം ചേര്‍ത്തലയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സമൂഹത്തിലെ സാധാരണക്കാരുടേയും പാര്‍ശ്വവല്‍ക്കരിക്കപ്പെട്ടവരുടേയും ഉന്നമനത്തിനായി ശാന്തിഗിരി നടത്തുന്ന പ്രവര്‍ത്തനങ്ങള്‍ മാതൃകാപരമാണെന്നും അദ്ദേഹം കൂട്ടിച്ചേര്‍ത്തു. ശാന്തിഗിരി ആശ്രമം ഓര്‍ഗനൈസിംഗ് സെക്രട്ടറി സ്വാമി ഗുരുരത്‌നം ജ്ഞാനതപസ്വി അധ്യക്ഷത വഹിച്ചു. നവതിയോടനുബന്ധിച്ച് ഗുരുവിന്റെ ജന്മഗൃഹം സ്ഥിതിചെയ്യുന്ന പ്രദേശമായ ചേര്‍ത്തല-അരൂര്‍ നിയോജകമണ്ഡലങ്ങളില്‍ നിരവധി സാമൂഹിക സേവന പ്രവര്‍ത്തനങ്ങള്‍ നടപ്പില്‍ വരുത്തുമെന്ന് സ്വാമി പറഞ്ഞു. ചടങ്ങില്‍ മികച്ച കുട്ടിക്കര്‍ഷകനുള്ള സംസ്ഥാന അവാര്‍ഡ് ജേതാവ് മാസ്റ്റര്‍ ആന്റോ ഫിലിപ്പിന് എ.എം ആരിഫ് എംഎല്‍എ ആദരിച്ചു. ജില്ലാ പഞ്ചായത്ത് വൈസ് പ്രസിഡന്റ് ജമീല ജോജോ മുഖ്യാതിഥിയായി. മുട്ടം ഫൊറോന വികാരി ഫാ.പോള്‍ വി. മാടന്‍, സെന്‍ട്രല്‍ ജുമാ മസ്ജിദ് ഇമാം എം.എം ത്വാഹ മദനി, ശാന്തിഗിരി ആശ്രമം ജോയിന്റ് സെക്രട്ടറി സ്വാമി ഗുരുമിത്രന്‍ ജ്ഞാനതപസ്വി, സ്വാമി അര്‍ച്ചിത് ജ്ഞാനതപസ്വി, സി.ബി ചന്ദ്രബാബു, വെള്ളിയാകുളം പരമേശ്വരന്‍, സി.കെ ഷാജിമോഹന്‍, പി.ടി മന്മഥന്‍, പള്ളിപ്പുറം പരമേശ്വരക്കുറുപ്പ്, ആര്‍ പൊന്നപ്പന്‍,ബാഹുലേയന്‍. ആര്‍, ജയിംസ് ചിങ്കുതറ, എന്‍.ഗോപാലകൃഷ്ണന്‍ നായര്‍, ടി.ഉഷ, എസ്.ശ്രീകുമാര്‍, എസ്.രാജന്‍പിള്ള, പി.ജി രവീന്ദ്രന്‍, പി.ജി രമണന്‍, സി.എന്‍ സുരേഷ്, ഹരികൃഷ്ണന്‍.ആര്‍ തുടങ്ങിയവര്‍ സംസാരിച്ചു.  30ന് ഉപരാഷ്ട്രപതി ഹമീദ് അന്‍സാരി പോത്തന്‍കോട് ശാന്തിഗിരി ആശ്രമത്തില്‍ ഒരുവര്‍ഷം നീണ്ടുനില്‍ക്കുന്ന നവതി ആഘോഷപരിപാടി ഉദ്ഘാടനം ചെയ്യും. ശാന്തിഗിരി നവതി പുരസ്‌കാരം മെഗാസ്റ്റാര്‍ മമ്മൂട്ടിക്ക് സെപ്തംബര്‍ അഞ്ചിന് തിരുവനന്തപുരത്ത് നടക്കുന്ന ചടങ്ങില്‍ ശ്രീലങ്കന്‍ പാര്‍ലമെന്റ് സ്പീക്കര്‍ കുരുജയസൂര്യ സമ്മാനിക്കും. സെപ്തംബര്‍ ആറിന് നവപൂജിതം നവതി ആഘോഷങ്ങള്‍ പോത്തന്‍കോട് ശാന്തിഗിരി ആശ്രമത്തില്‍ ആചരിക്കും.
ക്യാപ്ഷന്‍: നവജ്യോതി ശ്രീ കരുണാകരഗുരുവിന്റെ നവതി മഹാസമ്മേളനം ചേര്‍ത്തലയില്‍ ഭക്ഷ്യ സിവില്‍ സപ്ലൈസ് വകുപ്പ് മന്ത്രി പി.തിലോത്തമന്‍ ഉദ്ഘാടനം ചെയ്യുന്നു. എ.എം ആരിഫ് എം.എല്‍.എ, സ്വാമി ഗുരുരത്‌നം ജ്ഞാനതപസ്വി, സ്വാമി ഗുരുമിത്രന്‍ ജ്ഞാനതപസ്വി, ദലീമ ജോജോ, സി.ബി ചന്ദ്രബാബു, വെള്ളിയാകുളം പരമേശ്വരന്‍, സി.കെ ഷാജിമോഹന്‍, പള്ളിപ്പുറം പരമേശ്വരക്കുറുപ്പ്, ഫാ.പോള്‍.വി.മാടന്‍, എം.എം ത്വാഹാ മദനി എന്നിവര്‍ സമീപം.