കോവളം: വിഴിഞ്ഞം കോട്ടുകാലില്‍  വീടിനുള്ളില്‍ മധ്യവയ്‌സ്‌കന്റെ മൃതദേഹം ജീര്‍ണിച്ച നിലയില്‍  കണ്ടെത്തി. കോട്ടുകാല്‍ മേലേതോട്ടത്തില്‍ സുരേന്ദ്രനാഥാ (53)ണ്    മരിച്ചത്.  ഭാര്യയുമായി പിണങ്ങി കഴിയുന്ന ഇയാള്‍ കുറെക്കാലമായി അമ്മുമ്മയോടൊപ്പം താമസിച്ച് വരികയായിരുന്നു. കഴിഞ്ഞ ഒരാഴ്ചയായി അമ്മുമ്മ മകളുടെ വീട്ടില്‍ ആയിരുന്നതിനാല്‍ വീട്ടില്‍ ഇയാള്‍ ഒറ്റയ്ക്കായിരുന്നു. കഴിഞ്ഞ ദിവസം വീട്ടിനുള്ളില്‍ നിന്നും ദുര്‍ഗന്ധം വമിച്ചതിനാല്‍ നാട്ടുകാര്‍ അറിയിച്ച് പൊലിസ് എത്തി വീടുതുറന്ന് പരിശോധിച്ചപ്പോഴാണ് മൃതദേഹം കണ്ടെത്തിയത്. മൃതദേഹം പോസ്റ്റുമോര്‍ട്ടത്തിനായി തിരുവനന്തപുരം മെഡിക്കല്‍കോളജ് മോര്‍ച്ചറിയിലേക്കു മാറ്റി. വിഴിഞ്ഞം പൊലിസ് കേസെടുത്തു. ഭാര്യ: അജിത. മക്കള്‍ അജീഷ് നാഥ്, ആതിര നാഥ്.