ബാലരാമപുരം: വീട്ടുകാര്‍  മൊബൈല്‍ ഫോണ്‍ വാങ്ങി നല്‍കാത്തതില്‍  പിണങ്ങി പത്താംക്ലാസ് വിദ്യാര്‍ഥി തൂങ്ങിമരിച്ചു. വെങ്ങാനൂര്‍ ഉച്ചക്കട തൈവിളാകത്തു വീട്ടില്‍  വാടകയ്ക്ക്  താമസിക്കുന്ന ലോപ്പസ്-സുശീല ദമ്പതികളുടെ മകന്‍ ഇമാനുവല്‍ ലോപ്പസിനെ (15) ആണ് മരിച്ചത്.  ചൊവ്വാഴ്ച വൈകിട്ടായിരുന്നു സംഭവം.  ഉടന്‍ ആശുപത്രിയിലെത്തിച്ചെങ്കിലും മരണം  സംഭവിച്ചിരുന്നു. വിഴിഞ്ഞത്തുളള സ്‌കൂളിലെ  വിദ്യാര്‍ഥിയാണ് . സഹോദരി റീന. മൃതദേഹം ഇന്നലെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പോസ്റ്റ് മോര്‍ട്ടം ചെയ്ത ശേഷം ബന്ധുക്കള്‍ക്ക് വിട്ടു കൊടുത്തു. ബാലരാമപുരം പൊലിസ് മേല്‍ നടപടികള്‍ സ്വീകരിച്ചു.