വെള്ളറട: കാരക്കോണം ജങ്ഷനില്‍ ഫര്‍ണിച്ചര്‍ കടക്കു തീപ്പിടിച്ച് ലക്ഷങ്ങളുടെ നഷ്ടം.  കഴിഞ്ഞ ദിവസം രാത്രിയായിരുന്നു സംഭവം.  ചെങ്കല്‍ മണലുവിള വീട്ടില്‍ സജീന്റെ  കടക്കാണ് തീപ്പിടിച്ചത്.
കടയുടെ ഉള്ളിലുണ്ടായിരുന്ന  ഫര്‍ണിച്ചറുകളും മരഉരുപ്പടികളും പൂര്‍ണമായും നശിച്ചു. ഏഴു ലക്ഷം രൂപയുടെ നഷ്ടം കണക്കാക്കുന്നു. പാറശ്ശാലയില്‍നിന്ന്  അഗ്‌നിശമനസേനയെത്തിയാണ് തീകെടുത്തിയത്. പൊലിസ് തെളിവെടുപ്പ് നടത്തി.