തിരുവനന്തപുരം: അന്തപുരിയിലാദ്യമായി സംഘടിപ്പിച്ച പൈനാപ്പിള്‍ , ആപ്പിള്‍ മേളയ്ക്ക് കനകക്കുന്നില്‍ തിരക്കേറുന്നു. പ്രശസ്തമായ വാഴക്കുളംപൈനാപ്പിള്‍ കൊണ്ട് നിര്‍മ്മിച്ച സ്തൂപം  മേളയിലെ പ്രധാന ആകര്‍ഷണമാണ്. മേളയുടെ ഭാഗമായി ശനിയാഴ്ച  വൈകിട്ട് പൈനാപ്പിള്‍ തീറ്റ മത്സരം സംഘടിപ്പിക്കുന്നുണ്ട്. നൂറു കിലോ പൈനാപ്പിളാണ് ഒന്നാം സമ്മാനമായി നല്‍കുന്നത്. പ്രോത്സാഹന സമ്മാനങ്ങളുമുണ്ട്. ഇന്നും നാളെയും  9388885422  എന്ന നമ്പറില്‍ രജിസ്റ്റര്‍ ചെയ്യാം. പൈനാപ്പിള്‍ ഫാര്‍മേഴ്‌സ് അസോസിയേഷന്റെ സഹകരണത്തോടെ  കാര്‍ഷിക കര്‍മസേന, മലങ്കര സോഷ്യല്‍ സര്‍വീസ് സൊസൈറ്റി എന്നിവയുടെ  സംയുക്താഭിമുഖ്യത്തിലാണ് മേള നടക്കുന്നത്. ദിവസവും രാവിലെ 11 മുതല്‍ രാത്രി 9.30 വരെയാണ് പ്രദര്‍ശന സമയം.അടുത്തമാസം നാലിന് സമാപിക്കും.