ഷിംല: ഹിമാചല്‍പ്രദേശിലെ കംഗറ ജില്ലയിലുണ്ടായ മിന്നല്‍ പ്രളയത്തില്‍ കനത്ത നാശനഷ്ടം. മേഘവിസ്‌ഫോടനത്തിന് പിന്നാലെയാണ് മിന്നല്‍പ്രളയമുണ്ടായത്. ധര്‍മശാലയില്‍ വാഹനങ്ങള്‍ ഒഴുകിപ്പോകുകയും കെട്ടിടങ്ങള്‍ തകരുകയും ചെയ്തു.

വെള്ളം കുത്തിയൊഴുകി റോഡുകളും തകര്‍ന്നു. വിനോദ
സഞ്ചാരികളുടെ ഇഷ്ട പ്രദേശങ്ങളിലൊന്നായ ഭാഗ്ഷുനാഗില്‍ പ്രളയത്തില്‍ കാറുകള്‍ ഒഴുകിപ്പോകുന്ന വിഡിയോ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്. മാഞ്ചി നദിയില്‍ ജലനിരപ്പുയര്‍ന്ന് തീരത്തുണ്ടായിരുന്ന 10 കടകള്‍ ഒഴുകിപ്പോയി.
ദുരന്തം കണക്കിലെടുത്ത് വിനോദസഞ്ചാരികളോട് അതിവേഗത്തില്‍ മടങ്ങിപ്പോകാന്‍ അധികൃതര്‍ നിര്‍ദേശിച്ചു.ഹിമാചലിനൊപ്പം ഉത്തരാഖണ്ഡിലും കശ്മിരിലും കനത്ത മഴയും മണ്ണിടിച്ചിലുമുണ്ടായി.