ചെറുതോണി: പ്രായപൂര്‍ത്തിയാകാത്ത സ്‌കൂള്‍ വിദ്യാര്‍ഥിനിയെ പീഡിപ്പിച്ച കേസില്‍ യുവാവിനെ കഞ്ഞിക്കുഴി പൊലിസ് അറസ്റ്റ് ചെയ്തു. ഇടുക്കി കൊന്നത്തടി അഞ്ചാംമൈല്‍ വലിയമൂക്കല്‍ പ്രസന്നന്‍ (33) ആണ് പിടിയിലായത്. മുമ്പ് സ്വകാര്യബസ് ജീവനക്കാരനായിരുന്ന ഇയാള്‍ ബസ് യാത്രയ്ക്കിടയിലാണ് പെണ്‍കുട്ടിയെ പരിചയപ്പെട്ടത്.
കഴിഞ്ഞ ദിവസം പെണ്‍കുട്ടി വീട്ടില്‍ എത്താത്തതിനെ തുടര്‍ന്ന് പിതാവ് കഞ്ഞിക്കുഴി പൊലിസില്‍ പരാതി നല്‍കിയിരുന്നു. പിറ്റേന്ന് വീട്ടിലെത്തിയ പെണ്‍കുട്ടിയോട് വിവരം തിരക്കിയപ്പോഴാണ് പീഡനവിവരം പുറത്തറിഞ്ഞത്. ചെറുതോണി തീയറ്ററിനു സമീപം ഒറ്റപ്പെട്ട മുറിയില്‍ താമസിപ്പിച്ചായിരുന്നു പീഡനം.
പെണ്‍കുട്ടിയുടെ മൊഴിയുടെ അടിസ്ഥാനത്തില്‍ പൊലിസ് നടത്തിയ തെരച്ചിലില്‍ ഇയാളെ ചെറുതോണിയില്‍ നിന്നും കണ്ടെത്തുകയായിരുന്നു. ജില്ലയ്ക്കകത്തും പുറത്തുനിന്നുമായി മോഷണമടക്കം നിരവധി കേസുകളിലെ പ്രതിയാണിയാളെന്ന് പൊലിസ് പറഞ്ഞു.
കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. കഞ്ഞിക്കുഴി സി. ഐ: വര്‍ഗീസ് അലക്‌സ്, സബ് ഇന്‍സ്‌പെക്ടര്‍ ജിനേഷ് തുടങ്ങിയവരുടെ നേതൃത്വത്തിലാണ് പ്രതിയെ പിടികൂടിയത്.