ഹയ്കുയ് ചുഴലിക്കാറ്റ്: നൂറിലധികം പേര്‍ക്ക് പരുക്ക്, തീരദേശ ടൈറ്റൂങ്ങില്‍ നാശനഷ്ടം

തായ്‌പേയ്: ഹയ്കുയ് ചുഴലിക്കാറ്റ് ഞായറാഴ്ച തയ്‌വാന്റെ തീരം തൊട്ടെങ്കിലും വലിയ നാശം വിതച്ചില്ല. മണിക്കൂറില്‍ 154 കിലോമീറ്റര്‍ വേഗത്തിലാണ് കാറ്റ് വീശിയത്. ഏകദേശം 4000 ആളുകളെ അപകടസാധ്യതയുള്ള പ്രദേശങ്ങളില്‍നിന്ന് ഒഴിപ്പിച്ചിരുന്നു. നൂറുകണക്കിന് വിമാനങ്ങള്‍ റദ്ദാക്കുകയും ചെയ്തു. തായ്‌വാനിലുടനീളം മഴയുണ്ടായിരുന്നു. ദക്ഷിണ ചൈനയിലേക്ക് നീങ്ങുമ്പോള്‍ അത് ശക്തമായ ഉഷ്ണമേഖലാ കൊടുങ്കാറ്റായി ദുര്‍ബലപ്പെട്ടു.

ചുഴലിക്കാറ്റ് ആദ്യം ദ്വീപില്‍ നിന്ന് പുറപ്പെടുന്നതായി പ്രത്യക്ഷപ്പെട്ടിരുന്നുവെങ്കിലും തായ്‌വാന്‍ കടലിടുക്കിലേക്ക് നീങ്ങുന്നതിന് മുമ്പ് തെക്ക് പടിഞ്ഞാറന്‍ കവോസിയുങ്ങില്‍ രണ്ടാമത്തെ കരയിടിച്ചു. മരണങ്ങളൊന്നും റിപ്പോര്‍ട്ട് ചെയ്തിട്ടില്ലെങ്കിലും, ചുഴലിക്കാറ്റില്‍ 100 ലധികം പേര്‍ക്ക് പരിക്കേറ്റതായി അധികൃതര്‍ അറിയിച്ചു. കിഴക്കന്‍ തായ്‌വാനിലെ തീരപ്രദേശമായ ടൈറ്റുങ്ങിലാണ് നാശം വിതച്ചത്. ദ്വീപില്‍ ഇരുപത്തൊന്നായിരത്തിലധികം വീടുകളില്‍ വൈദ്യുതി ഇല്ല. ശക്തമായ കാറ്റില്‍ മരങ്ങള്‍ നിലംപൊത്തിയിട്ടുണ്ട്.