അറാർ • സഊദി അറേബ്യയുടെ 92ാമത് ദേശീയ ദിനത്തോടനുബന്ധിച്ച് അറാർ കെ.എം.സി.സി സെൻട്രൽ കമ്മിറ്റിയുടെ നേതൃത്വത്തിൽ രക്തദാന ക്യാംപ് സംഘടിപ്പിച്ചു.
സഊദി കെ.എം.സി.സി നാഷണൽ കമ്മിറ്റിയുടെ നേതൃത്വത്തിൽ രാജ്യമൊട്ടാകെ ഇരുപതിലേറെ കേന്ദ്രങ്ങളിൽ നടക്കുന്ന "അന്നംതരുന്ന നാടിനു ജീവരക്തം സമ്മാനം" എന്ന കാംപയിനിന്റെ ഭാഗമായാണ് അറാർ കെ.എം.സി.സി നോർത്ത് റീജ്യണൽ ലബോറട്ടറിയിൽ രക്തദാന ക്യാംപ് സംഘടിപ്പിച്ചത്.
ഹകീം അലനല്ലൂർ (കെ.എം.സി.സി അറാര്‍ സെന്‍ട്രല്‍ കമ്മിറ്റി പ്രസിഡൻ്റ്), സലാഹുദ്ധീൻ വെണ്ണക്കോട് (കെ.എം.സി.സി അറാര്‍ സെന്‍ട്രല്‍ കമ്മിറ്റി സെക്രട്ടറി), അസ്ഹർ പുന്നപ്ര, യൂനുസ് മേൽമുറി, നസീർ പടിക്കൽ, അസീസ് വലിയാട്, മിക്ദാദ് വെളിമുക്ക്, മൻസൂർ ഫാമിലി സ്റ്റോർ, ഫൈസൽ കണ്ണൂർ, റാഫി ചെറൂണി, ഷെരീഫ് പെരിന്തൽമണ്ണ എന്നിവർ ക്യാംപിന് നേതൃത്വം നൽകി.