ന്യൂഡൽഹി • കോൺഗ്രസ് അധ്യക്ഷസ്ഥാനത്തേക്ക് ശശി തരൂർ ഈ മാസം 30ന് നാമനിർദേശ പത്രിക സമർപ്പിക്കും.
സ്ഥാനാർഥിയെ ചുരുങ്ങിയത് 10 പ്രദേശ് കോൺഗ്രസ് കമ്മിറ്റി (പി.സി.സി) അംഗങ്ങൾ പിന്തുണച്ചിരിക്കണം. രാജ്യത്തിന്റെ വിവിധ ഭാഗങ്ങളിൽ നിന്നുള്ള പി.സി.സി അംഗങ്ങളുടെ ഒപ്പുകൾ സമാഹരിച്ച ശേഷം പത്രിക സമർപ്പിക്കാനാണ് തരൂർ അവസാനദിവസം വരെ കാത്തിരിക്കുന്നത്. ആകെ 9,200 പ്രതിനിധികൾക്കാണ് വോട്ടുള്ളത്. അശോക് ഗെലോട്ടായിരിക്കും തരൂരിന്റെ പ്രധാന എതിരാളിയെന്ന് ഉറപ്പായിട്ടുണ്ട്.