പോളി: ഒഴിവുള്ള സീറ്റുകളില്‍ അപേക്ഷിക്കാം

സാങ്കേതിക വിദ്യാഭ്യാസ വകുപ്പിനു കീഴിലുള്ള വിവിധ പോളിടെക്‌നിക് കോളജുകളിലെ ഡിപ്ലോമ പ്രോഗ്രാമുകളില്‍ നിലവിലുള്ള ഒഴിവുകള്‍ നികത്തുന്നതിനായി ഇന്ന് മുതല്‍ 11 വരെ സ്ഥാപനാടിസ്ഥാനത്തിലുള്ള സ്‌പോട്ട് അഡ്മിഷന്‍ നടത്തും. പുതുതായി അപേക്ഷിക്കാന്‍ താല്‍പര്യമുള്ളവര്‍ക്ക് നിലവില്‍ ലഭ്യമായ ഒഴിവുകള്‍ പോളിടെക്‌നിക് കോളജ് അടിസ്ഥാനത്തില്‍ www.polyadmission.org യിലെ വേക്കന്‍സി പൊസിഷന്‍ എന്ന ലിങ്ക് വഴി മനസ്സിലാക്കാം. അതു പരിശോധിച്ച് ഒഴിവുകള്‍ ലഭ്യമായ സ്ഥാപനത്തില്‍ ഹാജരാകണം. പുതുതായി അപേക്ഷിക്കുന്നവര്‍ ഒറ്റത്തവണ രജിസ്‌ട്രേഷന്‍ ഫീസായി പട്ടികവിഭാഗങ്ങള്‍ 100 രൂപയും മറ്റുള്ളവര്‍ 200 രൂപയും ഓണ്‍ലൈനായി അടയ്ക്കണം.