ചങ്ങനാശേരി: യുവാക്കളെ കേന്ദ്രീകരിച്ച് കഞ്ചാവ് വില്‍പന നടത്തിയിരുന്ന യുവാവ് പിടിയില്‍. കോട്ടയം,കൊല്ലം,ആലപ്പുഴ ജില്ലകളില്‍ വിപണനം നടത്തി വന്ന ഇയാളെ ചങ്ങനാശേരി എക്‌സൈസ് സബ് ഇന്‍സ്‌പെക്ടര്‍ ബിജു വര്‍ഗ്ഗീസിന്റെ നേതൃത്വത്തിലാണ് പിടികൂടിയത്.ചങ്ങനാശേരി പായിപ്പാട് നാലുകോടിയില്‍ ചെല്ലുവേലിയില്‍ അനന്തു(20)ആണ് എക്‌സൈസ് പിടിയിലായത്.
കോളനികളിലെ യുവാക്കള്‍ക്കിടയില്‍ കഞ്ചാവ് വില്‍പന വര്‍ധിക്കുന്നതായി കിട്ടിയ വിവരത്തിന്റ അടിസ്ഥാനത്തിലാണ് യുവാവ് പിടിയിലാകുന്നത്.ചങ്ങനാശേരിയിലുളള കോളനിയില്‍ കഞ്ചാവ് എത്തിക്കാനായി ബസ് കാത്തു നില്‍ക്കുബോഴാണ് ഇയാള്‍ പോലീസിന്റ പിടിയിലാകുന്നത്.തമിഴ് നാട്ടിലെ തെങ്കാശിയില്‍ പോയി കഞ്ചാവ് എടുത്തു കേരളത്തിന്റെ വിവിധ ജില്ലകളില്‍ യുവാക്കളെ കേന്ദരീകരിച്ചു വിതരണം ചെയ്യുന്നതാണ് രീതി.ഇയാളെ കസ്റ്റഡയിലെടുത്ത ശേഷം കഞ്ചാവ് ആവശ്യപ്പെട്ടുകൊണ്ട് നൂറിലധികം ഫോണ്‍ കോളുകളാണ് ഇയാളുടെ മൊബൈലിലേക്ക് എത്തിയതെന്ന് എക്‌സൈസ് പറഞ്ഞു.20 വയസ്സു പ്രയമുളള അനന്തു ആറു വര്‍ഷമായി കഞ്ചാവ് കടത്തില്‍ സജീവമാണ്.തെങ്കാശി ഗോള്‍ഡ് എന്നാണ് ഇയാള്‍ വില്ക്കുന്ന കഞ്ചാവിന് യുവാക്കള്‍ക്കിടയില്‍ പറയുന്നത്.