ഇംഗ്ലണ്ട് പര്യടനത്തിനെത്തിയ ഇന്ത്യന്‍ ടീമംഗങ്ങളില്‍ ഒരാള്‍ക്ക് കൊവിഡ്. രോഗം ബാധിച്ചത് ആര്‍ക്കെന്ന് വെളിപെടുത്തിയിട്ടില്ല. താരം ബന്ധുവിന്റെ സ്ഥലത്ത് ഹോം ക്വാറന്റൈനില്‍ കഴിയുകയാണെന്ന് വക്താവ് അറിയിച്ചു. തൊണ്ട വേദന അനുഭവപ്പെട്ടതിനെ തുടര്‍ന്നാണ് പരിശോധന നടത്തിയതെന്നാണ് റിപ്പോര്‍ട്ട്.

ആഗസ്റ്റ് 14നാണ് ഇന്ത്യയുടെ ഇംഗ്ലണ്ട് പരമ്പര ആരംഭിക്കുന്നത്. അഞ്ച് ടെസ്റ്റുകളടങ്ങിയതാണ് പരമ്പര. ഓഗസ്റ്റ് നാലിന് ട്രെന്‍ഡ് ബ്രിഡ്ജിലാണ് ആദ്യ ടെസ്റ്റ്. ലോക ടെസ്റ്റ് ചാമ്പ്യന്‍ഷിപ്പില്‍ ന്യൂസിലാന്‍ഡിനോട് തോല്‍വി ഏറ്റുവാങ്ങിയതിന് പിന്നാലെ വരുന്ന പരമ്പര എന്ന നിലയില്‍ ഇന്ത്യക്ക് ഏറെ നിര്‍ണായകമാണ്. വിരാട് കോലി, പരിശീലകന്‍ രവി ശാസ്ത്രി എന്നിവര്‍ക്കും പരമ്പര നിര്‍ണായകമാണ്.