മോസ്‌കോ: സെന്‍ട്രല്‍ റഷ്യയിലെ ഇഴെവ്‌സ്‌കില്‍ സ്‌കൂളില്‍ നടന്ന വെടിവയ്പ്പില്‍ ഏഴ് കുട്ടികള്‍ ഉള്‍പ്പെടെ 13 പേര്‍ കൊല്ലപ്പെട്ടു. 14 കുട്ടികള്‍ ഉള്‍പ്പെടെ 21 പേര്‍ക്ക് പരുക്കേറ്റു.

മോസ്‌കോയില്‍ നിന്ന് 970 കിലോമീറ്റര്‍ കിഴക്കുള്ള ഉദ്മുര്‍ഷ്യ മേഖലയിലെ സ്‌കൂളിലാണ് വെടിവയ്പ്പുണ്ടായത്. കറുത്ത വസ്ത്രം ധരിച്ചെത്തിയ ആളാണ് അക്രമം നടത്തിയത്. അക്രമി സ്വയം വെടിവച്ചു മരിച്ചു. ഇയാളെ തിരിച്ചറിഞ്ഞിട്ടില്ല.

അക്രമത്തിന്റെ കാരണം വ്യക്തമല്ല. വെടിവെപ്പുണ്ടായതിനേത്തുടര്‍ന്ന് അധ്യാപരേയും വിദ്യാര്‍ഥികളേയും സ്‌കൂളില്‍ നിന്ന് ഒഴിപ്പിച്ചു.