തെഹ്‌റാന്‍: ഇറാനില്‍ കുര്‍ദിഷ് വനിത മഹ്‌സ അമീനി മതകാര്യ പോലിസിന്റെ കസ്റ്റഡിയില്‍ മരിച്ചതിനെ തുടര്‍ന്ന് ഉടലെടുത്ത പ്രതിഷേധത്തില്‍ മരിച്ചവരുടെ എണ്ണം 75 ആയി. പ്രക്ഷോഭകരും സുരക്ഷാ ഉദ്യോഗസ്ഥരും മരിച്ചവരില്‍ ഉള്‍പ്പെടും. ഇതുവരെ 1200ലധികം പേര്‍ പ്രക്ഷോഭകര്‍ അറസ്റ്റിലായി. 75 പേര്‍ മരിച്ചതായി അല്‍ ജസീറ, ബി.ബി.സി ഉള്‍പ്പെടെയുള്ള അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്‌തെങ്കിലും ഇറാന്‍ അധികൃതര്‍ ഇത് നിഷേധിച്ചു. 41 പേര്‍ മരിച്ചുവെന്നാണ് ഔദ്യോഗിക അറിയിപ്പ്. ഏകാധിപതിക്ക് അന്ത്യം എന്ന മുദ്രാവാക്യമുയര്‍ത്തിയാണ് തെരുവില്‍ പ്രക്ഷോഭകര്‍ സംഘടിക്കുന്നത്.