തിരുവനന്തപുരം: നവോദ്ധാനകാലത്ത് കുഴിച്ചുമൂടിയ പ്രേതത്തെ തിരികെ കൊണ്ടുവരാനാണ് സംഘപരിവാര്‍ ശ്രമിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. കേരളത്തിലുടനീളം വര്‍ഗീയത പരത്താന്‍ സംഘപരിവാര്‍ ശ്രമിക്കുമ്പോള്‍ അതിനുള്ള ഉത്തരമാണ് നവോദ്ധാന നായകരെന്നും ചെന്നിത്തല പറഞ്ഞു.


നവോദ്ധാന നായകരുടെ ചിത്രങ്ങള്‍ ഉയര്‍ത്തിപ്പിടിക്കുന്ന സിപിഎമ്മും ബിജെപിയും ആളെക്കൊല്ലുന്ന രാഷ്ട്രീയം ഉപേക്ഷിക്കണമെന്ന് കെപിസിസി പ്രസിഡന്റ് വിഎം സുധീരന്‍ പറഞ്ഞു. രാഷ്ട്രീയ പാര്‍ട്ടികള്‍ വഴിതെറ്റിപ്പോകുമ്പോള്‍ തിരുത്താന്‍ നവോദ്ധാന നായകരുടെ ആശയങ്ങള്‍ക്കാകുമെന്നും  സുധീരന്‍ പറഞ്ഞു.

കെപിസിസി ആസ്ഥാനത്തു നടന്ന ചട്ടമ്പിസ്വാമി ദിനാഘോഷത്തില്‍ സംസാരിക്കവേയാണ് ഇരുവരും ബിജെപിക്കും സിപിഎമ്മിനും എതിരേ ആഞ്ഞടിച്ചത്.