ദുബയ്: ഒക്ടോബര്‍ ഒന്നു മുതല്‍ ദുബയ് എക്‌സ്‌പോ കാണാന്‍ 120 ദിര്‍ഹം നിരക്കില്‍ ഒരു ദിവസത്തെ പ്രവേശന ടിക്കറ്റ് നല്‍കും. നാല് പവലിയനുകള്‍ വരെ സന്ദര്‍ശിക്കാന്‍ ഈ പാസ് മതിയാവുമെന്ന് ദുബയ് എക്‌സ്‌പോ സിറ്റി അധികൃതര്‍ അറിയിച്ചു. എക്‌സ്‌പോയുടെ ഔദ്യോഗിക ഉദ്ഘാടനം അടുത്ത മാസമാണ്. എന്നാല്‍ ഈ മാസം തിരഞ്ഞെടുക്കപ്പെട്ട ഏതാനും കേന്ദ്രങ്ങളിലേക്ക് പാസ് മുഖേന പൊതുജനങ്ങള്‍ക്ക് പ്രവേശനം നല്‍കും.
ഒക്ടോബര്‍ ഒന്നു മുതലുള്ള ഏകദിന പാസുകള്‍ ഉപയോഗിച്ച് വിഷന്‍ ആന്റ് വിമന്‍സ് പവലിയനുകള്‍ സന്ദര്‍ശിക്കാം. സപ്തംബറില്‍ റീ ഓപണ്‍ ചെയ്ത ടെറ, സസ്റ്റെയിനബിലിറ്റി ആന്റ് അലിഫ്, മൊബിലിറ്റി പവലിയനുകളും കാണാവുന്നതാണ്. പ്രവര്‍ത്തനമാരംഭിക്കുന്ന മുറയ്ക്ക് കൂടുതല്‍ പവലിയനുകളെ ഏകദിന പാസില്‍ ഉള്‍പ്പെടുത്തും.