ദോഹ: അന്തരിച്ച ആഗോള പണ്ഡിതനും ഗ്രന്ഥകാരനുമായ ഡോ. യൂസുഫുല്‍ ഖറദാവിയുടെ മരണാനന്തര ചടങ്ങുകള്‍ ഇന്ന് (ചൊവ്വ) വൈകീട്ട് ഖത്തര്‍ തലസ്ഥാനമായ ദോഹയില്‍ നടക്കും. അസര്‍ നമസ്‌കാരാനന്തരം ദോഹയിലെ മുഹമ്മദ് ബിന്‍ അബ്ദുല്‍ വഹാബ് മസ്ജിദില്‍ മയ്യിത്ത് നിസ്‌കാരം നടക്കും. ഖബറടക്ക ചടങ്ങുകള്‍ അബൂഹമൂറില്‍ നടക്കുമെന്ന് ബന്ധപ്പെട്ടവര്‍ അറിയിച്ചു. സ്ത്രീകള്‍ക്ക് മയ്യിത്ത് നമസ്‌കാരത്തിനുള്ള വീടിന് സമീപം ഒരുക്കിയിട്ടുണ്ട്. തിങ്കളാഴ്ച വൈകീട്ട് ദോഹയില്‍ വച്ചായിരുന്നു ഖറദാവിയുടെ അന്ത്യം. 96 വയസ്സായിരുന്നു. വാര്‍ധക്യസഹജമായ അസുഖങ്ങളെ തുടര്‍ന്ന് ഏറെക്കാലമായി ഖത്തറില്‍ വിശ്രമജീവിതം നയിക്കുകയായിരുന്നു. ആഗോള മുസ്ലിം പണ്ഡിത വേദിയുടെ മുന്‍ അധ്യക്ഷനായിരുന്നു അദ്ദേഹം. ലോകത്തിലെ നിരവധി പ്രമുഖര്‍ അദ്ദേഹത്തിന്റെ നിര്യാണത്തില്‍ ദുഖം രേഖപ്പെടുത്തി.