കണ്ണൂര്‍: ഇരിട്ടി മുഴക്കുന്നില്‍ ആര്‍.എസ്.എസ് പ്രവര്‍ത്തകര്‍ക്കു വെട്ടേറ്റു. ആര്‍.എസ്.എസ് മണ്ഡലം കാര്യവാഹക് കടുക്കാപ്പാലത്തെ സുജേഷ്, സന്തോഷ് എന്നിവര്‍ക്കാണു വെട്ടേറ്റത്.

ഇന്ന് ഉച്ചയോടെയാണ് സംഭവം. ഇവരെ തലശ്ശേരി ഇന്ദിരാഗാന്ധി സഹകരണ ആശുപത്രിയില്‍ പ്രവേശിപ്പിച്ചു. സമീപപ്രദേശമായ കാക്കയങ്ങാട് ബാലഗോകുലത്തിന്റെ ശോഭയാത്രയ്ക്കു നേരേ സി.പി.എം അക്രമം നടത്തിയെന്ന് ആരോപിച്ച് ഇന്നു ബി.ജെ.പി ആഹ്വാന പ്രകാരം ഹര്‍ത്താല്‍ ആചരിക്കുകയാണ്.